Fakselna (2nd September, 2017)

0
411
views

Hman ni chu kan \hianpa, Police, bel khat bel ve tawh, a service ngaihtuah chuan senior ve tawh tak mai nen kan inkawm a. Tun hma, kum 1989 chho vela HPC(D) te an beih vang laia a tel ve tawh thu leh dinhmun hlauhawmah vawi tam an din thu te, a tawpah Mizoram tana an hlawhtlin thu te a sawi a. A sawi laia pawimawh deuh ber nia ka hriat chu khatia Mizoram Police lamin harsa taka hlawhtlinna an chan hnu khan sorkar pawh a lawm a, ral beitute pawh engemaw tak lawmman a siam nghe nghe a. Amaherawhchu, mak tak maiin khatih hun laia an Asst. Commandant khan tumah kha promotion emaw, lawmman siamsak emaw ta lo chuan ama fapa te zawk police-a thunna remchangah a hmang ta hlauh zawk a ni awm e. Tun thlengin khami \uma HPC(D) beia hlawhtlingte khan eng lawmman mah an la hmu lo a ni. Hetiang thil hi thleng thei reng a la nih chuan insiam \hat a \ha dawn hle mai. Mite tan ser nung kan siamsak reng dawn tihna a ni.

K. Hautea
—————-

Khawthlang Sumo te, 4th September a\angin kawng chhiat avangin kar khat chhung an tlan dawn lo maw? Khualzinte tan a va lungchhiatthlak em. Hachhek Constituency mipuite hian min hmangaihtu tak tak bialtu MLA kan la nei lo a ni maw? I \hangharh teh ang u.
8787895828
—————

JNU zirlaite kha in ti\ha hle mai. Chakma te hian ram an nei lova, an theihtawpin min bei a, an zak thei si lo. Mizoramah hi chuan bu in khuar dawn lo. Zirlaite u, JNU te hi lo thlawp zel teh u.
8794746089
—————

Kan ram khaw kar kawng chhiat hlawm dan em em hi chu aw!!!! Kan sorkar hian tihngaihna a hre lo chu a ni phawt mai a, YMA khaw tina mite kutah hian mahni khaw kar kawng \heuh siamna tur hi pe mai se, a enkawl chhunzawmna tur nen, tichuan kawng \ha kan nei thei deuh lo’ng maw?
Kawng \ha ngainaa
—————

Parliamentary Secretary-te ban chungchang hi sawi mawi tur leh sawi chiam tur a awm lo. A tel lova buai tur pawh a awm lo. CM-in sorkar a kal chak zawk nana din a ni a ti a, a chak phah pawh a ni mahna. Hming dang vuah kher lo pawhin, MLA nihna pawhin Minister-te \awiawm tur inruat mai awm a ni a, Parliamentary Secretary hming han vuah kher khan facility a duh belh a, sum a duh belh a, induhsakna \ul lo, mipui sum hekna mai a ni. MLA uchuak taka hlawh pek pawh state pachhe tan phurrit tling a ni. Kan ram pachhe taka kan sorkar tal vel dan hi chu a ram hmangaih zia lo deuh chu a ni. Motor changkang chu zahawmna a tan a \ul tih te nena indawr tawk vel awm hle mai.
RK Sanga
—————-

Pu Hawla hi ka mi ngaihsante zinga a mi a ni \hin a. Tun hnai deuh a\ang khan thil dik lo deuh leh \ha tawk lo deuh, MNF-te tih a ti zel ta mai a, a \ha deuh leh mawi deuh kan tih a ti zel ta mai a. NLUP sum tur a awm tho laia kawng siamna tur sum awm lote pawh hi MNF kihhnawk a lo ni reng mai awm mang e ka ti ve ta rum rum mai a!
Khawthlang pa
—————

|angrual pawl hi an sawi peih ta khawp mai. Kei chu engmah an nih tak tak pawh ka ring lo. MLA pakhat pawh an nei lo ang.
9862376631
—————-

Kan mi tak tak pakhat, Revd Chuau\huama’n kan hmangaih Zoram kawng chungchang a rawn ziak ve ta le. Hei mah mah a la hmu kimchang tawk lo. Thil dang neuh neuh sawi belh pawh a ngai tawh chuang em ni? Kan sorkar mi lian (officer ho) tal bon ra zia bak chu! Kan ram hruaitute hi zak mawlh teh se. “Kan tlin mawlh lo a ni e” tih tak a ruang a, tai pawng pawnga la rak zui ziah mai. Harh a hun, mipuite hi i harh mawlh tawh teh ang u.
8414883986
—————–

Kan Zokhawpui Champhaiah hian engatinge Cement hi Mizote tana theihtawp min nawr chhuahsak rate hian an zawrh ve duh loh le? Rs. 530/- an la chhiar reng mai. Mi khaw kawng pawh a chhe ve tho si a, rate tlawm hi kan va duh ve em.
8258098883
—————–

Kan CM Pu Hawla’n ruahsur avanga lei minin kawngchhia tam tak a siam lai pawha MNF vang a la ti thei zel mai hi mimal leh NGO pawl hrang hrangten sum leh lirthei khawl hmanga in sorkar \an tirh a\anga Zoram dung leh vanga tha leh zung sum leh pai tam tak senga tlawmngaia kawng chhe siama hnatlang zawng zawngte hnenah hian vawi khat tal lawmthu in sawi ve dawn em? Thil \ha titute chawimawi hi ram hruaitute tih tur a ni si a. Nge, MNF sorkar huna siam atan in papek ve hrim hrim zawk.
Tlabung Uitangrual
——————

Beihrual thla dam taka min hruai thlengtu Pathian chungah lawmthu i sawi ang u.
Ruthii Pu
————

Dt. 1.9.2017 Zirtawpni zing Fakselna ka lo en a, Parlimentary Secretary 7 ten an ban chhan an rawn insawi mam kha chu Congress nih zel chi niin ka hre ta lo. An Pu ber Hawla khan a la rawn phat mawi pui ta lehnghal. An ban chhan kha Mizoram mipuiin kan hre vek, mipui chan ai hmanga nuam tawla in awm hi central sorkarin a phal tawh lova, a ban che u tih hi Zoram mipuite hian hai lo Congress kan ni ngam tawh lo Pu Hawl.
Congress pa un, Lungsen
——————

Mizo hi khawvelin min hriat ve theih nan “MIZO” tihah hian in Baptis vek thei ila, entir nan:- R. Zamawia Mizo, Sailo Lianthanga Mizo etc. tih ang hian kan hnam dik tak Mizovah hian chiang ila, kan chi Sailo, Zadeng, Paite, Ralte etc. velah hian buai lo ila. Kan hnam kan hai rei ta hle mai, eng hnam nge i nih tia kan in zawh chang hian Sailo, Zadeng etc. tiin kan chhang \hin. Kan chhan dan tur dik tak chu ‘ka hnam dik tak chu MIZO a ni a, ka chi chu Zadeng, Pachuau, Ralte etc.’ tih hi a ni. Kan hnam aia tlem ‘TAKAM’ mawngtam lian ho pawhin kan chi Sailo, Zadeng tih ang hi an nei ve tho, mahse an hnam Chakmaah hian an chiang a, Nirupam Chakma, Nihar Kanti Chakma, BD Chakma chutiang zelin an hming tawpah an hnam Chakma an dah vek zel a ni. Chuvangin kan hnam MIZO ah hian chiang ila, kan hming bulah emaw, a tawpah emaw kan HNAM MIZO tih hi dah ngam ngat tawh ang u hming.
Saia Mizo Ngat
——————

Zirtawp zan Fakselnaa KHARA intiin zu zawrh avanga ruihhlo a hluar phah i ti kha i hre sual a ni lo maw? Zu awm hmain a nasa viau zawk a ni lo’m ni?
9485024048
——————-

Ringtu tana thil hlauhawm ber chu \awng\ai theih lohna sual hi a ni a, PATHIAN chuan inngaitlawma kan \awng\ai hian min khawngaih a, a chhhanna min hmuhtir \hin.
Angaihtei, Lungsum
—————–