Fakselna 30th November 2017

0
503
views

MNF sorkar laia kan THLAM ROPUI te, AII PUK hmingthangte tak kha aw, tunah zet zawng Kolkata lama RII PUK tharin khang thil hmingthang tak takte kha a lan bo zo titih der mai. Hei zet zawng a dawn vel eih eih-ah ringawt pawh cheng nuai 18 dawn lai mai a’n liam phawt a. Eng company emaw khan an han sa ang a. Maktaduai nuai belchhia kha an han pe leh thek ang a, a zo a ni mai. Enge in thlan LAL viau teh ei. India President lokal pawh hian Aizawl-a mi retheite in tur an sak hi a hawng ta rau rau a nih chuan kan Kolkata khawpui ngeia RII PUK pawh chu zu hmuve reng reng tal se mawle? ZOFATE HI kan duai lo hle a ni tih te pawh a hriat chian zual nan tal.
Tlangvala
————

Retheihna awmzia pawh hrethiam lo, retheite kan VIP an ni ti a mipui hma a thu sawi \hin kan sorkar hi chuan mahni mawng an hlim ngun dawn a nih hi. Thingtlangah chuan mipuite tan awm ngaihna a awm tawh lo a ni ber e. Hawh u, \angrual ila, MLA in thlan leh hunah chuan retheite dinhmun hrethiam zokhaw hmasawnna ngaihtuah ngam Pathian rawn chunga dikna ngaisang thiam leh retheite hmangaihtu thlang tling tawh ang u. Mipuite kan harh a hun ta.
Valpuia Bawitlung, Chawngtui East
—————

A taka ram hmangaihtu pahnih, Pu C. Pahlira leh Pu |hena an awm ta lova. Ram zalen leh hun thawl nuam takah Congress leh MNF-in kum 20 chuang kan ram an enkawl a. Kan ram leilunga thlai \ha tak tak a \ha theiah pawh state pawn a\angin kan la chaw lut reng thova. Eng kawngah mah intodelh lovin vawiin min thlen a. Thlam ropui te, mi state-a in ropui tak sakte kan hmu ta mai mai a, a va ropui lovin rual awh a va na em. ZPM lo piang hi kan en chhin leh phawt mai dawn em ni ang le aw?
RK Sanga
————

Kan ramin a mamawh ber chu Pathian thlarau thianghlim a ni. Hmasawn kan duh ber kan ti \hin chutih rual chuan Lal Solomona khan en tur dik tak a en khan van leh lei hausakna kawng tinrengin a vur zawk a nih kha. Hawh teh u, van Pathian chauh i en tlat teh ang u.
Fela pa, KK
————–

Pu Hawla in ropui hliahkhuh nan a naute chuan mi dang dawtin an puh kual leh \hin hi chu a Mizo lo hle mai. Dawt sawi ching lutukte hi chuan dawt hmang lo chuan an kal thei tak tak lo a ni ber mai. Phai vai dirty politics game hi chu kan ramah hian lak luh tum lul teh suh u.
Olivera, Azl
———-

Tunlai, rei deuh tawh a\ang khan engatinge Airtel leh Aircel te hi signal a awm \hat loh le, signal a awm thut pawhin phone a dawng thei lova, a thawn theih bawk loh hi le. Mak khawp mai
9612880873
————–

Falkawn damdawi in, MNF-in sawti taka hma an lo la saw an fakawm takzet a ni, kum sawm chhungin sawtiang zat saw an hma lakna a ni a, Congress kum sawm dawn sorkar ve hian ‘ hmalak a la niang an ti ve eih eih chauh a ni maw? Falkawn damdawi in chungchangah chuan Congress ho hi eng ruai an lo ni lo e.
Sanga
——–

Phullen BDO bial chhung khaw tina ni za inhlawhna hi tun thleng hian kan la la si lova. A rei tawh si a, hei kum chanve a tling tawh mai dawn. Thuneitu sang zawkte hian tih ngaihna in hre lo maw? Mahni hnathwh hlawh pawh lak thei loh tawp mai chu. Kan sawrkar hi a \ha tawk lo nge a thawktute dik loh?
8258980931
——————

Mizoram-ah hian Kohhran hrang hrang kan awm a, zu leh ei ruk duh lo vek an ni bawk ang, a nih si chuan engatinge Kohhran zawng zawng \ang rual hian heng thil \ha lo hi kan duh lohzia leh kan ram tan a \hat lohzia hi kan tihlan ngam si loh le aw? Kan ram hruaitu politician-te ai hian khawvela lalber kan Lal Isua hi kan hlau tawh zawk em mi le? An sum leh paite hi kan Kohhran tih ropui nante hian kan it zawk em ni le?
ZOA, BKTV
—————-

Mizoram politician zawng zawngte hian party kan ruih chilh lutuk riau mai a, mahni party ni lo chu engkimah hian rep char hlauh pawh kan duh \hin hian ka hria. Tunah pawh hian Congress sawrkar chuan anmahni party lo chu pek an tum lo, an party-a lut tura sawm nan an hmang \hin a ni. Mordekaia’n lalnu Estheri hnenah, ‘Lal i nihna hi tun atan hian a ni dawn lawm ni?’ a tih ang khan Congress sawrkar chuan an lal nihna hi an hmang hauh lo mai a, an unaute rep char hlauh duh an ni, a va han pawi \hin em.
Tlabung aw
———–

Kohhran dang chu ka hre lo, keini Presbyterian Kohhranin Sakrament Wine atana kan hman, Cadamom Wine hi Wine zawng zawngah a chhe ber awm e. Luta khawih pawhin a rawng sen hi kutah a kai nuau thei, no chanve lek in pawhin lu a na ngut ngut thei, a man lah hi a to hrep leh nghal, eng vanga hetiangte hmang tlat nge kan nih a mak hle mai.
Ral vengtu
———–

Kan ram lalber lo kal chu a ropui ve hranpa hle mai. Mipui hmusit ni awm taka rak mai mai a chin ve loh hmel. Lunglei leh Champhai ah te, BY ROAD ngata zin/kal tum ta thut mai sela, helaia kan mi ropui leh ram hmangaih viau nia insawi thla zen hote hi chu an buai ve map ngei ang mawle.
8414883986
—————

Tun thlenga Congress leh MNF la sawi mawi \ang \ang hi chu, a zar zo pha chin an ni e. Congress hnathawh chin ka hria, MNF hnathawh chin pawh ka hria..
DIKDUH
————-

Thlanmuala zu in \hinte’n a bur ruak an kalsan chu naupangin an vawm keh \hin a, a hlauhawm thei hle. Engtikah tak sim ang maw?
The Communist
————–