Fakselna 3rd August, 2018

0
467
views

Sorkarin Maxi Cab dinna tur an ruat chu a \ha e. Mahse, passengers tan chuan a buaithlak dawn a ni. Engpawh ni se \ha zel turah ngai ila. Chu aia ngaihmawh awm chu Bara Bazar pheia chhuna motor an dah hian kawng a tichep mai ni lovin khawpui a tilang \awp lutuk. Puan zawrh nan an hmang leh ta nghal a. Sorkar hian zing dar 8 a\anga tlai dar 6 thleng chu eng lirthei mah din phal lo se, dropping zone chu siam se la kan khawpui a nuam sawt tur a ni. Thuneitute khan hma han la teh u.
Aizawl Nu
—————

Pu Lalduhoma’n mi rethei tan Health Care Scheme a aupui lai khan thil hre pui pui leh a technical zawng pawha hria inti pui pui khan a theih loh zia leh sorkar hnathawk lo tan MR bill ve ngawt dan a awm loh zia te an sawi nasa. A theih dan kawng lo awmzia chu MNF hian an hrechiang khawp ang. An hre leh lutuka Bajaz Allianz-ah phei chuan an hming chhiatpui hle a nih kha.

Thlai thar leina budget-a dah theih a nih zia a sawite khan inti budget kalphung hre pui pui khan an hnialin fiamthu thawh nan tak an han hmang a, a lo theih zia chu Congress ngei hian an hre leh ta lutuk a, a thlai thar lam ti ta lo chuan Vawkte mawngpingte an hmingchhiatpui ta vel hlauh a nih hi.

Chuvangin Pu Duha’n a theih tia a aupui hi ringhlel suh u. Technically-a zuk hriat ril vak lam a ni lo. Amaherawhchu, nau chu a paitu dik takin a hrin a ngai angin mi rethei tam zawkte dinchhuahna tur SAWHTHING hi chu a paitu ngeiin a hring tawh ang a, a hlamzuih tawh lo mai ang.

Zoram hmangaihtu
————–

Mizoram State khawpui (CAPITAL) Bazarpui ber, NEW MARKET hi tu enkawl nge? Fur laia a dinhmun dik tak hi an hriain an hmu ve em le?

Ram dang/State dang a\anga lo kalten an tlawh ve fo si a, State naupang lutuk lo khawpui bera Bazarpui dinhmun atan chuan a zahthlakin a mualphothlak deuh lo maw?

A panna hmun hrang hrangah metal loh kawng a awm bar tawh lo va, heti em ema diak/chiau tur hi chu a ni bikin a lang lo a ni?

A enkawltu Deptt. tan chuan a zahthlak ve det ka ti deuh. Eng nge in hmuh ve dan le?
9774354495
—————

Sorkar leh CYMA ruihhlo do dun chuan zu zuar hotupa chu Chairman-ah an ruat tih ka lo hria a, thil mak tawp niin ka hria. Kan CYMA hruaitute hi Congress sorkar hian sum hmangin a tilungawi ta a nih ka ring nghet tlat a ni. Tin, zu hi RUIHHLO-AH an ngai ve lo em ni ang aw? Kan YMA hruaitute hian ngaihtuah nawn leh hram se ka va ti em. CYMA inthlanah boruak mawi lo leh thawm ngaihthlak nuam lo kan neih palh pawh a hlauhawm hlel lo ve.
9862508491
————–

MNF-ten kan ram a ni a, ram neitute kan lo lang e an tih hi engvangin nge an tih ngawt le? Kan piputen mingo laka ram chhan nan lu chhum ban chhum huamin ram an lo veng hima, a hnu feah vai milem bia lak a\angin kan ram chu MNF-ten an lo venghimin independent hial an lo sual a, nunna tam tak kan ram chhan nan an lo ch^n tawh a, chuvang chuan Zoram hi kan ram a ni an lo ti \hin a lo ni. Tunge party anga Zoram tan zan khat pawh tal hrang ngam awm ve le? |awng chauh a ni lo tih hi kan chhut fo a \ul \hin.
Mizoram veitu
—————

Kan ram hi kan ram a ni. Zoram hi kan ram a ni kan tinghawr tluk tluk \hin kha emaw ka tia. Politician ho inthlan dawn hnaiha van angel thianghlimte ai pawha ngilneih hmel zawkte leh sakhaw rawngbawltu Peter-a ai daiha rinawm hmel zawk fe te tan pawh hian an in leh lo hmun \henawmten inches tlemtea an nek sak zeuh pawha mahni mihring puite thah phah biai biai mai pawisa lem lote pawh awm theih a ni. Mahse, chu aia lak nat fe zawk tham he an chenna leilung Mizoram thung erawh hnamdangin a mel a mela zau min chhuhsak erawh a thinrim duh miah lova, rilru \ha tak pu thei mai zel te pawh kan ang. Mi fel hi a at tlat chuan eng nge a \hat chuanna? Mingilnei hi a mawl tlat chuan eng nge a sawtna te ka tia.
Tlangvala
—————–

Mizoram hruaitu atana mi \ha kan duh chuan mipui lam pawn kan zir a ngai. Kan inthurual lo nuai mai a, ram khata awm kan ni hlawm bawk si a, hetiang te chuan hruaitu \ha kan nei thei lovang. Han \angrual pang hlawm mai ila hruaitu \ha chu kan nei mai ang. Tun \um inthlan lo awm turah pawh \angrual hlawm ila Mizoram chuan hma a sawn duak duak mai ang.
Marami Chawngthu
————–

Pu Hawla leh a pawlte hian hawn tur an ngah si a, amah hi khuallian a nih chuan a hnung zuitunu hi khualzahawmah \ang nghal se senso a tlem deuh takin. An pahnih hian khuallian, khualzahawm nih hi an chanpualah dah mai chi a ni lo’m ni Pu Zonet?
ZNT Khiangte, Thlanmual veng
————–

Hman zan Zonet Bawhbel channel-a MNF President, Pu Zoramthanga kawmna kha ka lo thlir ve a, ramri chungchang zawhna a chhannaah khan, “Sawichhuah chi loh, ril tak, anmahni chauhin chinfel dan tur bik riau” hria ang khan a rawn insawi leh pek khan ka lo hria a. Chutianga chinfel dan tur hria chuan eng vanga kum 10 an sorkar chhung khan heti teh hrepa buai ngai lo tur hian ching fel lo nge an nih? Nge ni a, inthlan hnaih vangin mipuite min bawl leh \an tawh? Chu mai ni lo, mau lian chi, patling 3 zawn ngai khawpa rit a sawi te kha phun ta vak ila enga tan nge maw kan tih ang le? Tun ang internet khawvela ram hruai tum interview thusawi atan chuan keini \halaite hi chuan NEP kan ti deuh a ni! Mumang ram sawi a hun ta lo e.
Mizo Tlangval
————

DDK pawhin fakna hi chanchin thar puan laiin minute chanve tling lo chu an ti ve zauh, mahse a ninawm hman loh.
LK-a
————–

MNF party chhungah inepna lian tak a awm mek em ni? Sawi neuh neuh a va tam em.
VL Ruata
————-

Tuna Zonet Mizo Idol Audition round neih mek hi Lungleiah chhun lamah mi 40 lai an zai niin sawi a nih laia 9 chiah Zonet Rimawiin a rawn pechhuak hi a kimin a pek theih loh em ni? A kima en ve a va chakawm ve. A dang zawng a kimin pekchhuah vek an ni si.
Thlirtu
————-

Pu Lal Thanhawla’n remna nia a sawi kha a ti dik. Remna kha kum 1976-ah ziah a ni a. Keini ramhnuaia awm te leh tualchhunga awmten kan hriat pui lova. Muannaah chuan kan tel a ni.
LP
————-

Nihna duh vanga zuang lawr an awm a, thawhpuite dik lohna hria, siam \ha tura tihngaihna hriat loh vanga zuang lawr an awm bawk a. A hnuhnung zawk anga zuang lawr nih nge \ha ang, zuang lawr lo nih duh vang hrim hrima mi dik lo pawh thawhpui mai zawk?
8119881205
————–

ZPM ni lo, party dangten politic aiawt mipui chhungkuaah an rawn chiah leh dawn a, theihtawpin chhungkua \heuh te lo invenghim ang che u. Ram hruaitute hi mipui thuhnuaia awm tur an nih laiin ram kalphung a dik loh tak avangin leh inkaihhruaina a fel tawk loh avangin mipui chu ram hruaitute thuhnuaiah an dah ta a ni. Mahse, heti chung chung hian mimal duh dan a lal ber zawk tho tho a ni. Chuvangin ram i hmangaiha, mipui, chhungkua i lainata, i veng/khua i duhsak tak tak a nih chuan thil \ha duh awm khawmna leh tlankhawmna hmun ZPM-ah hian mikhual lo takin tlan lut vat mai rawh. Tun hun hi a hun lai tak a ni e.
MS Chhakchhuak, Aizawl
————–

Remna atana Pu Hawla leh a party thawh nasat dan hai dera Pu Rama leh a hoten dem zawng leh fak phu a nihna an sawi duh lo hi an tihawm tawkah ngai rawh u. Remna leh muanna policy neiin Congress party Pu Hawla hruai chuan election-a vawi khat pawh la tel lo Pu Denga leh a hote seat a kian a nih kha.
Duata pu
————

Ruihhlo do beihpui Chairman-ah kan CM a \ang ngam hi a huaisenthlak ka ti mang e. Ruihhlo zuartu party hian zu hi ruihhlovah a ngai lo em ni? Zu kan zawrh chuan mipui tam tak chu zu in rawh u kan tihnaah ka ngai.
Fela pa, KK
————–

MNF sorkar laia an Minister chhuanvawr Pu R. Tlanghmingthanga chuan Mizoramah a neitu thinlungpute an sorkar a hun tawh thu a sawi chu nizan khan Zonet chanchin tharah an puang a. Pu Tlanga hian a neitu thinlungpu a tih chu MNF party-a sawinaah ka ngai deuh ngawt a.
A neitu thinlungpu MNF sorkar lai khan a neitu thinlung an pu leh lutuk a, Aizawl Civil Hospital chhawng a bo a, Turial Hydel Project lah chu compensation duh vangin an pam\ul a. Falkawn Referral Hospital an ti chhe vek a, mawza manto te, ekin kal thei te, Baffacos sum avang tein a neitu thinlungpute sorkar lai khan mipui kan rum tak meuh a nih kha. Hetianga a neitu thinlungpute hi kei chuan sorkar tir leh chiah ka ngai lo.
Tlangvaltea, Aizawl
————–

Kan PATHIAN thuah chuan thu mai chuan a tihlum si \hin a ti a, kan ram politician-te hian inthlan dawn hnaiah hi chuan kan ram hi an veiin an hmangaih thei khawp mai ti r’u?
Mahse, thu mai chuan a ti hlum tih ang deuhin
\awngka maia ram leh hnam hmangaih hi chuan he kan ram ngei pawh hi lungngaih avangin a rum phah zel chu a nih hi maw!
Tunge kan ram hi \awngka mai lova kaihruai ta ang le?
Kei zawng tumah hi ka ngaihtuah hian ka hmu lo a ni.

Rampuia, Tualcheng
————-

PHE tuisemte hian hmun \henkhatah hian an ti liam zur zura, \henkhatah tui kan nei lo an ti leh bawk si eng nge a awm zia? Tui kan lei reng mai. Thuneituten enfiah teh u.
Zotea Khiangte
—————-