Fakselna 4th December, 2017

0
667
views

Kohhran ho \awng\ai chhanna chu ZU zawrh hi a ni ti an awm em ni? A nih leh zu avanga thi tam ta viau te, Cancer vei tam te, ruih theih thil hluar ta em em te, HIV vei pung ta em em te leh Pathianni pawh serh lova khawlai kawng siam tak mup mup mai te hi Coconut sawhkeh leh chal hnawihsen chhanna a ni thei ve ang em aw?
MALSAWMA
—————-

Kum 2018 MLA Election hi ka ngaihdan ka lo sawi ve lawk. Kum 2018 election-ah pawh hian tuna kan CM hi chu tling leh hram se ka duh pui takzet a ni. Mi fel leh \ha awm thluah mah se, ani lo hi chu kan ram tan CM tur hi ka la hmu chuang lo a ni. Tisaa ding a ni a, tihsual chu a nei ngei ang. Chutih rual chuan thil \ha pawh a ti ve tho. Chuvangin miten an selna zawng zawng hi a tan malsawmna lo ni mawlh rawh se.
J.Top Mara, New Colony, Siaha
—————-

Central lamah pawh Congress chu an ral mek chu a ni e. |angrual pawl tan kawl a eng dawn a ni ang.
Ruthii pu
———–

Berawtlang hi a lun em em rual hian kan sawrkar hian a kawngte hi han zauhin mikhual hmuhah pawh han chei \ha deuh sela mawle.
Zemabawk pa
—————

Engatinge Chaltlang Higher Secondary School-ah khian an mark zahthlak taka an puan \hin le? Ka’n sawi tawp mai ang a, an history-a an mark hi class-ah an Teacher-in a puang a, a tizak \hin nia sawi a ni a, \henkhat chuan sikul kal hreh phah nan an hmang a, an risk zawng zawngte an puang a, risk an hreh phah a, an thiam loh deuh pawh an risk hreh tlat mai a, an khawngaihthlaka em mai. Sikul dangah te chuan risk loh an phal lo a ni \hin si a, a va mak deuh ve. Hetiang chuan hlau reng rengin an hun an hmang dawn a sin. Zirtirtute hian zirlaite hi tizak turin em ni an enkawl? Chin tawh loh tawp a va \ha em aw.
8132843798
—————-

Ram leh hnam hi tunlaia Politician inti hote hian han sawi ve \hin mah se, MLA-a thlan tlin an nih hian an hna chanpual Deptt. ten an duh duhin an control mai \hin. Ram chu sawi loh, hnam leh lek phei chu min pawt darh nuai tawh a nih hi!! Mizo hnama a\anga inpumkhatna ni lovin, hnam bil zawnga kal lah bo lo. MLA nih duh tawk, anmahni thluak a\anga fit lo, thiamna lama sang fu si, eng degree emaw nei pha bawk si, a taka thawk thei miah lo kan kawl tam hi thil pawi tak a ni.
PH FANAI
————–

Khati khawpa Aizawl mipui, ram hruaitu leh Police-te tana nunphung pangngai tibuai vek khawpa lo zin, India ram President thil rawn tih kha keini mimawl hriat phak ve chinah chuan a va ho kher ve le. Mi rethei chenna in tur hi Raj Bhavan a\anga a hawn theih chuan Delhi a\ang pawhin a hawng thei awm tho si a, a lo zina a thil tih leh a zin senso leh kawng hrang hranga nunphung a tihkhaihlakna hi inphu pawhin ka hre lo e. Motor-a a kalna tur chin an siam liam luam lah rawra a darh niai nuai a, two wheeler leh kea kalte tan phei chuan rah sual palha tluk \huai hlauhawm tawk lek a ni bawk si. Kan ramin a hlawkpuina awm a váng hian ka hre khawp mai kei mimawl hian. Helama kan pute ho ang maia ‘HAWN’ nuam ti chi a ni ve a nih hmel ka lo tia!
Puipuii pi
————

Kan rama Officer hlemhle tak takte hi chu a rukin an nui ver ver \hin ang a! A chhan chu Minister-te an bum kawi vel mai mai a, a tawpah Media leh mipuiten eiru/hnathawk \ha lo tiin kan dem daih zel si a.
LB-a Pa
————-

Tute pawh mai hian engemaw tak sal tan rukna hi kan nei fur mai a, chu kan tan rukna chu Lalpa nena kan inkar daidangtuah a \ang ru tlat bawk si, tam takin kan sawi chhuak ngam lova, a \hen chuan kan sawi chhuak a, tihngaihna tak erawh hre lovin kan awm fo hlawm a ni.

Ruihhlo, zu leh ruihtheih dang ti ṭhinte pawh hian Lalpa hi an duh lo a ni lo, Lal Isua hnungzuia amah bel tlata awmte pawh hi a tam zawk hi chuan an duh lutuk, mahse an tih \hin ngei chu a duh tak nena daidangtu a ni tlat lawi si.
9862657613
—————

MNF rammute lo chhuah nana Pu Hawla leh a hote inpekna hi sawi n>p chi a ni lo. An lo chhuah duh tho kha rambuai pawh a reh phah bawk. An hotute khan lo chhuah an chak zek zek tih pawh PC hotute khan an sawi \hin kha.
VL Ruata
———–

Kan CM hian lalna hi chuh tawh lo se, mi dang kian ve tawh rawh se. A lal chhung khan thil \ha chu a ti ve ang mahse hleih a nei a, a thau sawk pha chin tan chuan thil \ha a ti nasa alawm, an party mi leh sa tan chuan belte phai thei, lo pung thur thur a ni ringawt alawm. A hausakna hian kiam lam aiin pun lam a pan chak khawp mai. Mizoram hi chu thim chhah lutuk thuah sarih velin min hmuak ut mai si a, tuar tlak pawh kan ni alawm, ram hruaituten zir hek lo. Eng mai pawh hi a buai chingchivet vel nuai tawh a nih hi. Thil man lah chu a sang tual tual mai si a. Huiha.
NO. THUP
————–

Kolkata-a kan CM-in in hmun min pek, ka lei a ni lo, ka ta tak tak ni tur meuh chuan cheng nuai 17 zet sen a ngai a tih chu thil pek hautak a va ni em! Ka awih lo ti tlattu pawh awm se ka thiam tho mai.
RK Sanga
————-

Kohhran hovin van Pathian nung an auhna chu kan sorkar, Pathian nung be ve tho, zu zuar mekte rilru a hneh em ang chu maw. A bik takin Pu Zira rilruah emaw, Pu Hawla thinlungah emaw tal chuan a thawk em ang chu maw? A thawk lo a nih chuan an Pathian hi a lem a ni ang.
Ruatdiki pu
————–