Fakselna 4th November, 2019

0
157
views

Mizo society hi a zalen lutuk deuh. Chhungkaw invawnna a dul bawk si. Sorkar nise, thilsual titu te hrem aia ngaihdam mai duh a ni bawk. Hei hi mizote kan ropui loh chhan a ni ber mai. Chunglam zahngaihna a nasat em avangin kan la khawsa tlang thei a ni.
RK Sanga

9862366590

Khawpui chhunga bawlh hlawh phur motor te hian hre ve mai mai se ka tih chu an dinna point hi lirthei dang te ngaihtuah ran chung hian ding ve thin sela a polite khawpin ka ring. “Kan point a ni a” tih ringawt hi chu a fuh zat lo a nia. Traffic duty-te hian fuih thar leh sela tih hi ka han rawt ve ngawt a ni.
Om Omi Pu, Republic Veng

9862322234

SEDP Board peng hrang hrang \hut khawm thu kan lo hriaa. Keini kut hnathawka eizawng tan chuan a hma lama in hmalakna tur khua leh vengte hriat vat vat a va \ul ve? Ram \heha ngawpui kan vahdarh leh hma hian. Tak ana, ka pu Duha pawl te khan ka pu Hawla te kha an mawngzawm leh deuh e law? Ka pu Hawla ten min tikhawlo zo dawn a lawm le. Lo inngaihtuah ngun ve deuh teh u a.
Lianvela

8974244232

Sinlung Hills Council inthlanna a ZPM te campaign dan leh an chet dan han en hian MLA election laia party hrang hrangte chakna hmanga ZPM MLA an siam ang khan tun SHC Election-ah pawh hian independent anga candidate siama a tling te chu ZPM a sengluh an tum leh mai dawn ava ang leh ta ve! Kalphungthar an tih fo hi, Tualte vanglaia sa hnuthar tak tak pawh kha a lo la hniak hman lo deuh hlek zel an tih ang deuh kha an ni. Independent-in an han dintir a an tlin tawh hnuah ZPM an ti leh zaih zel mai niin a lang.
Tlabung Uitangrual

9862014844

Kan HM hian Assam HM hi a ngam lo chu a ni ber mai e. Mizo tlawmin kan tlawm ta der chu a nia. Kan pute ber an tlawm si chuan belkai ve lo ho tan zawng \ik pawh tih ngam a ni ve si lo, mahni tapchhak zawlah kan hui pap pap reng mai dawn a nih hi le. Engtikah nge kan ram hi kan neih let leh ang aw? Ram leh hnam vanga lu chhum ban chhum huam te kha in fam zota em ni? Chhantu ngaia kan ram au thawm hian \hangtharte a la kaitho em ang chu. Ram hmangaihtu an pungzel a, chhantu ngaiin kan ram a au vawng vawng chu a nih tak hi le.
Sangsangi, Thlanmual veng

8730841016

Aizawl khawpui tui tlan hnara damdawiin bawlhhlawh paihtute kha tute nge han puangzar teh u. Sorkarin engtin mah ti lo mahse hriat ve reng reng a chakawm alawm le. Tui thianghlim lo in ila, damlo ila, an sum hmuh nan min enkawl zel se tih rilru pawh an pu a ni maithei a, sumdawng rilru an lo pu viau pawh a ni mahna.

8837489511

CSS Primary School Hindi Teacher mi 500 te kha an plan period pawh an hman zawh hmain Congress sorkar khan khawngaihna nei miah loin MNF hunlaia lak a nih vangin a ban a. Heng mi 500 te rilru pawh a na hle a, kan plan period tal hi chu min hman zawh tira min ban chu nise kan hrethiam deuh tur an tive ngawih ngawih a ni. Tichuan, mi 1305 congress sorkar chuan a la thar ta a ni. Khang CSS P/S Hindi Teacher 500 te kha inthlan dawna an intiam angin MNF Minstry hian la leh ngei sela tuman an thikin a rinawm loh.

8414094709

Tukin Vanglaini News Paper-ah khan, “Kan sorkar hrawn mek MNF Ministry chuan sorkar hmasa Congress Ministry thil tih dan dik lo tak mai kha entawnin, SSA leh RMSA zirtirtu hna post 91 lai mai an lo la a ni” tih ZPM party lamin an rawn tar chhuah kha kan lo hmu ve a.
Heti tak maia thil \ha duh inti siin zirna an han pawngsual dan han hmuh hi chuan keini mipui mimir te tan hi chuan beisei hi a va han bo tehlul em! An diklohna haider luia, sum duh vanga nuaih 3 um a kan thlan tlin leh te kha an ni miau a lawm le. Kan tuhrah seng turin i inbuatsaih zel phawt mai ang u. Kum 2013 Election-ah chuan rilru kan neih phah ve mial maithei a sin.
Thingtlang Pa

93666 30785

Mizoramah sorkar chhunzawm zel kan duhna chhan chu development kan thawh mek chhunzawm zel a nih theihna tur te, Mizo mipui rethei taka awm mek te retheihna sal ata chhuah zalen zel te hi a bulpui zinga mi a ni a. Tlabung Uitangrual te leh an puten sorkar ve an duhna chhan erawh a dang daih thung si. Sorkar a\anga a zar zo ve te, sorkar hna a mahni chhungte leh mi leh sate thun te hi a ni tih tunhnai a RMSA leh SSA-a Zirtirtu an lak duh dan a\ang hian a hriat theih.
David M Zadeng

98626 72589

Zirna uar kum North Vanlaiphai a puan a, engmah tih zui loh hi. YMA adviser-ah tuman min ruat lo va. Mahse ka han rawt tlat pek teh ang.
Naupang lehkhathiam chu a tho hma tur a ni. Chuvangin school \an hun tih hma lehna turin YMA hian nawr leh rawh se. Zirtirtu thiam ber leh naupang zirtirna lama tui leh thiam berte zirtirtuah rawih tur. Minister leh politician dangte hnaih vang ni lovin. Transfer na hmun a kal duh lo chu ban tur. Kal hrehte thlem nan thingtlangah an quarter sak tur. Sorkarin sakna bungrua tum sela, khaw hnatlangin Assam type quarter an sak theih hmel. Hetianga initiative an lak loh chuan kum puan ringawtin kawngro a sut hmel loh.
Mawii

87946 59715

ZPM hian Congress party an thawhpui avanga an chhiat zia hriain engah mah kan thawh pui tawh lovang kha an ti si a, hei tun Shinlung Hill inthlanna lo awm turah Congress party chuan ziak lovin kan thawkho an ti leh si a, mipui min bum an tum em ni? ka zawt e. Heti ang a mipui bum an tum a nih chuan min bum lovang. MP thlan kha hre mai rawh se, min bum dawn lo ral chiah an hmabak.

Es-i pu, Aizawl