Fakselna 4th September, 2018

0
493
views

Kum 2018 inthlanpui lo awm tur boruak chu a reh deuh riauvin ka hria. Eng tak chu ni maw, i lo thlir zel teh ang.
Lianhnuna
————–

Aizawl veng pakhatah pa pakhat chuan in \ha tak mai a sa a, a chhung lam duhthusama chei leh mawi hnai taka siam a nei a. Mahse, pawn lam mi tumah inleng lut tur leh lutchhuak tur zu nei tlat lova mawle! Engvang nge? A luahtute dik loh vang leh rilru zauh tawk loh vang tih a chiang bal mai. Chuvangin in nuam ni tur chuan a \hat leh \hat loh vang, a mawi leh mawi loh lamah a innghat lova, a in neitu rilru \hat leh chhiat, in neitu rilru zauh leh zim lutuk avang a ni ber. Mahse, “INLENG” tan hriat tur leh mawhphurhna a awm ve tho awm e. Mite hmusit ching mi leh helhhawlh taka mi ina va lenluh hi mitinin kan zir tur leh kan fimkhurna tur a ni awm e. Engpawh nise, in nuam ni tur chuan a luahtute chhungkuaah a innghat a ni. I in kha in chhuan nan hmang lovin, \henrual huikhawmna atana in nuam taka siam turin i awm \heuh ang u.
Hawikhawzauva
———–

Bilkhawthlir leh Vairengte inkar kawngpui han chhiatzia hi Pu Hawla leh a pawlte hian zahna chang an hre lo nge, Congress tan chuan kum 2018 MLA inthlan hunah tlak phah a awl duh hle ang. A ranglama a ngaihtuah a ngai awm mang e. Kum tin fur tui a tlahma tih chhuanlam reng tak mai chu. Kalkawng ai chuan Tuikuk kan duh zawk ti mai se. Pu Rama phei chuan zu hmu se sangha khawi nan a it ngawt ang. A, eng dang a ni lo e, Pu Hawla hi tui lamah a intodelh a ni ber e.
ZNT Khiangte
————–

A tui hang nena kan chhum, duh duha a thluk min tihdanglamsaktute hi chuan kan hla phuah, tui nei lovin min kan rosak a ni ber mai.
Hlaphuahtute
————-

Congress party an tlak ka rinnate, an sorkar hmasak khan zu an zuar a, tunah pawh an zawrh leh tak avangin. Pathian an hlau lo.
Carolini pu
————-

MNF kan sorkar tir leh chuan vaibelchhia a thuin kan hmuam leh \un anga, a ngaihna a awm lovang. Zoram tlukchhiatna hmawr tur mai an ni e, Congress party nen hian.
Om Omi Pu
————–

MLA Election a lo hnai leh ta a. Political party tinte an fel a hun leh ta e. Kan inthlang zo anga khawiah nge an awm a, engnge an thawh pawh kan hre leh dawn si lova. An fel lai hian an zarzo pha chin chuan mi hausa zar kan zo ve hun a nih hi i hai lul lovang u aw. Pachal pui puite, hausa pui puite an rawn zuar leh anga, lem lo chan khum ve ila, an tih dan a lawm le. Ram hmangaih lem an changa, in leh ram leh motor an neih \hat tual tual hi. A pachal deuhte phei chu. I hnawl tawh teh ang u. An tunlai tawh lo em mai Pu Modia’n a ti.
Liana, Chhakchhuak
————–

ZPM chhungkuate insiam\ha vat turin ka rawn a che u. Tunah khan inchhungkuaah khan engemaw a awm mek a, rorelna fawng vuantu nih induh tak tak chuan kei kei ti lovin nang nang ti zawk turin ka r^wn a che u.
9862322234
————–

Congress ho chuan zu kan zawrh nachhan chu in lo thei lote tana ti kan ni an ti maw? Zu khap a nih lai pawh khan zu lova awm thei lo hote chuan hmun dangah zu in tur an hmu ru reng tho. Hetia langsar tak maia zu sorkar lamin an zawrh takah chuan mi tin maiin zu card kengin zu kan lei ta luih luih mai a nih hi. Thi pawh kan tam reng ang chu. Sikul maupang chenin kan in ta vek mai si a. Tun a\anga kum 10 hnu lamah phei chuan zu hian min suat tam hman ngawt ang. Zu khap bur tur sorkar kan thlan thiam a ngai ta hle mai. Hawh u, Zoram thar i siam leh ang u.
L. Fanai
—————

Lunglei Salem Veng nula Duati han zai thiamzia kha chu kei kum 88 val pawh hi ka tuiral a ni ringawt mai. Top ten-a a tling lo kha chu khawvela thil ruak ber a ni hial ang. Mizo hla thluk lungkuai tak mai ho hi ngainatna chang kan hre lo a nih chuan Mizo Nationalism-ah hian kan bo let der a ni mai dawn lo’m ni? Duati zai hmel kan hmu tawh lo tur hi a na a ni.
Vena pu
————-

Sem ni lo, thawkrim apiang dinchhuahna, Zoram damna tura a fawng chelhtu, ZPM Policy chuan khawpui leh thingtlang mite thinlungah thu a sawi mek zel a, chutih laiin hmasawnna duh lo leh dodal ang zia zangin mi \henkhat chuan sawichhiat hna an lo thawk ngar ngar bawk a. An hruaitute hi mi thianghlim, sawiselbo chu an ni hauh lo, tling lo inti chunga Pathian rawngbawlna anga ngaia, ram leh hnam hmangaihna avanga MUALPHO pawh huama lo zuang chhuakte an ni. Heng mite hi cheng nuai khat sem vanga kan ram chhiat phah zia hmutute leh nuai thum sem leh lek phei chuan a let thuma kan chhiat leh zualna tur lo hmu lawktute an ni e.
Zo Nehemia
————-

Inthlang ram nih hi a nuam \hin ngawtin ka hria. Inthlang tura pui lah kan tam bawk. Inthlan dawn hnaih hi chuan kan hlim \hin a nih hi. Damtein kan awm anga, furpui a liam ang. Khua a lo favang kawl ruih anga, chumi hun kum tawp hnaih dawn lamah phei chuan kan in tamsiak leh ngei ang. VANA PA Hall, kawngpui, mi hmuh theih leh lunlai ber kha kan intam siak puina tur hmun pawh a ni leh ang. Aw a va nuam dawn em. Tute party tak chuan sorkarna siam ang maw, i lo thlir ang u hmiang!
RENTHLEI CABIN
————–

Kan naupan laia kan zirlaibu ‘ZIRTIRH BU’-ah chuan heti hian kan zir \hin, “kap, kah, hniak, hniah, deng, den, vua, vuak, vaw, bia, biak, be, lia, liak, le, hria, hriat, hre,’ tih te. Tunlai hian “hniah” hi kan hmang ngai ta lova, kan theihnghilh ta a ni. VAWKHNIAHZAWN tihah hian kan buai phah fo mai. Tin, hawng, hawn, nasa, nasat tihah pawh hian kan buai \an ta. Engtikah nge i lo hawng ang, ruah sur nasa avangin, tui lian nasa avangin kan tih tak hi.
8413931575
—————

DG Home Guard post chungchang chu a neitu a va chiang ta ve. MPSOA (Mizoram Police Subordinate Officer Association) te Assembly neih \um khan chiang taka sawi lan a ni ta kha a lawmawm hle a ni. Kha DG H/G post siam nan khan Police Officer hmun pawimawh tak mai, DSB (District Special Branch)-a Dy. SP post an lo surrender a, he DG Home Guard post siamna tur hian Officer post pakhat an lo ch^n reng tawh tih han hriat chuan sipai bangten he post luah tur MPS te dodala kawng an lo zawh chu a va zahthlak ta deuh ve le. Mahni kuang lo an lo nawr ve chiam a va ang ta ve. A post neitu leh siamtu MPS te hian luah vat turin Mizoram sorkarin hma la se a duhawm hle mai.
Mami pa, Aizawl
—————

‘Kei leh ka chhungte erawh hi zawngin ZPM chauh hi a ni kan vote dawn’ Pathian \ih mi an ni tlat.
No. thup
————-

Mizo Idol contest ZONET huaihawt \hin hi kan chhungin kan en ve vek \hin a, a ropui kan tiin kan nghakhlel \hin hle a ni. Zai lamah sulhnu thui tak nei ve kan nih vangin ka rin ran ran zinga mi hi chu an tling tlangpui \hin. Kumin 2018 Idol erawh audition a\angin uluk tak meuh meuhin ka’n thlir a, Zawmi Hrahsel, Lawngtlai nula kha Idol turah kan lo dah hmiah a, mahse top 10 pawh tling lovin a tla ta daih mai hi hrilhhaithlak kan ti hle mai. A aw mawizia leh cial zia khan min chiah reng thung. Mizo hmeichhe zaithiam zingah hian Daduhi leh H. Lalmuankima te hi aw cial bik nei an ni kan ti \hin. Zawmi aw erawh a cial bakah a mawi tel tawp a sin mawle. Mithiam leh ril zawkten ennawn leh thei se aw. Kan khawngaih hle, Pathian fakna aw mawi kha a thamral ta si a. Pathian khawngaihna changin Icon lamah tal tel \ha leh teh se.
Jongte chhungkua, Dawrpui Aizawl
————–

Inthlan a hnai leh ta bawk a, MLA nih beisei tan chuan nuih deuh sang reng a ngai leh ta. An lal laia an biak \hat duh mang loh pawh kha an biak hram hram a ngai leh dawn ta. Intih lal aiin an tan chuan inphahhniam hun a ni e. An tling leh ang tih ka va’n hlau tak em!
Anonymous
————–

MZP-ten Zoram humhalhna tura hma inlakna hi a va ropui em! Huai tak leh fing takin kal zel rawh u. Ram leh hnam himna ngaihtuah miah lo, lalna ringawt uma sum sema tlin leh tum sorkar hi paih a hun ta. Chakma ram petu, Bairabi Zophai humhalh ngam lo, National Register Assam-in a buaipui luai luai laia ramdang mi lo lut tur pawh veng duh hauh lo, MZP-in heti zat an lo man chhuakte hi a va ropui ve aw! Kan ram, kan hnam, kan sakhua hi kil tin a\angin nekchepin a awm ta a nih hi. Zoram, harh la, MZP te u, huai takin kal zel rawh u, in hnungah hian Zoram mipui ram hmangaihtu, party ruihchilh lo, Pathian hruaina dila \awng\ai \hin tam tak kan awm reng a nia. Zam suh u.

Ram Veitua
————-

Tun \um sorkarin Muster Roll-te skill a siam danglam hi a mak ngei mai. Hnathawh \hat avanga skill 2-a kaisangte matric an pass lo tih avangin skill hniam berah an tla thla hlawm a, a kaisangte hi awm tak awm bawk mahse, \henkhat hi chu a mak lam deuh chu a ni. Rilru na tak tak, chaw pawh ei thei lote an awm. Tuna an tum dan hian an kal a nih teh chuan aw a fuh lo hle ang.

Thawnga
—————

Mahni vei zawng zawng han iakpui ve leh rawih teh ang. Lunglei leh Tlabung inkar kawng chhiat zia saw aw!! Opposition MLA bial an nih dawn hi ka lo ti hman pek a, km 90 vel nia sawi, darkar 8 vel tlan zuk ngaia! Kawng laka t^ng lah an awm reng bawk nen, an khawngaihthlak khawp mai. |hal lo thlen huna siam tur a nih leh hmel a, ruah a tla reng mai bawk si. Fur lai pawha kawng siam \ha thei sorkar an mamawh a nih ber saw.
Naupangchhia
————–