Fakselna 5th February, 2019

0
542
views

Krismas dawna RD Minister-in MGNREGS ni 4 inhlawhna tur a sanction kha lo hmu tawh/dawng tawh khua in awm em? Fakselna kaltlang hian min han hrilh teh u. Mizovin, TANG kan tih, thawm chauh nei, a tak hmuh tur awm si lo ang mai em ni le?
Thingtlangpa

9862539105

Mizoram sorkar thar chu tun dinhmunah Congress ai khan fakawm tihna ka neih chu Central sorkar an dawr taima hi a ni. Congress kha chu ram chhungah an tawm \hup reng hlawm kha a ni a.
RK Sanga

9862366590

Zonet Fakselna kaltlangin hei hi ka rawn hriattir a che u. Inleng i neihin i inlengte uksak \hin la, inleng neih laia lehkha chhiar san vung vung emaw, i chhungte ringawt buaipui mi i nih fo chuan mualpho leh mawl takah mi’n an ngai ang che. Inleng i nei thei ngai hek lovang. Tin, INLENG TE TANA HRIAT TUR, mi ina i lenin len dan chin tawk hriat a \ha a, an chhungkua an hlim em, an damtlang em tihte hriat fel hmasak a \ha. An dinhmun en la, biak bawrh bawrh chi an awm laiin, biak bawrh bawrh chi ni lem lo chhungkua an awm thei ve tho a nia. I fimkhur \heuh ang ang u.

9862384183

Tun \uma kan MNF party sorkar thar chu an Minister hrang hrangte thusawi TV kaltlanga lo ngaihthlak hian thla an timuangin, an sual an simin, an piangthar tak tak dawn pawh a ang viau mai. A tak ram min thlenpui duh tak tak sela, fak chawp ngai lovin sorkar \ha an nih a lang mai tur a le! Amaherawhchu, an hotupa berin thu a han sawi ve hian a ze ngai a la paih lo tih a lang leh si \hin. Laiking pawnpui tah tur an ang leh lovang tih rin a harsa leh si \hin a, thingtlang mirethei ho tan chuan thaw a pik \an leh ta a nih ber mai hi le.
Zualbawihi pu, Mizo pa

8131051855

MNF hi an sorkar veleh SEDP hi an sawi rik duh tawh miah tawh lo mai le? Keini thingtlang ho hi kan rilru a va hah ve. Huan leh lo nei lovin SEDP cheng nuai 3-ah kan lo innghat ve a
Rammawia, Thingtlangpa

7005401919

Mizo pa dik tak Pu Lalnunmawia Chuaungo CS atan kan nei tur hi a lawmawm tak zet zet a ni. Chutih rual chuan Zofate Central Service-a kan luh dan han en hian Chakma CS kan la nei mai ang tih a hlauhawm hlel lo ve! Zofa \halaite harh a hun tak zet e.
Mesaka Putea

8413024376

Kulikawn Civil damdawi in hi thuam \hat emaw, tihchangtlung dan emaw a awm lo’m ni? Hmanni pawn nau nei tura lut, Doctor awm loh vang leh koh chhung rei vangin nunna chan an awm kha maw. Emergency thilah a pan chi bawk si loh. A ho lulai em mai. OPD chawhmaah an en zova, an haw fai vek zel mai.
KAMTAMA MSV

8259806715

Sikul \an hma vanga pum \ha lo zirlai an tam thu sawi a nih \hin kha, bakah a mimir tam zawkin tuk\huan kan ei hun tlangpui kha a tibuai zawk a tin a nih kha. Sawn let leh thuai se.

9774173062

Pu ber chuan Mau bawk maw min chin tir a tum leh tak le. Kan rama mau kan neih sa te hi tihralna han zawng sela, Zoram mipui hian kan va chhawr zawk awm ve. Tunah chin tur pawh a la awm hma hauha sawi mawi chiam ai chuan kan neih sa hi hralh zo phawt rawh se.
Zopari

9862289125

Kan CM, Pu Zorama’n, “Mauah khawvel entawn tur kan hnutchhiah dawn” tia a sawi ngam hi a huaisen thlakin a va ti ropui \hin em! Chutih rual erawh chuan kan ram mau ni lo, ramdang mau, la chin chawp tur leh nghal a ni erawh hi chu lu zawng a ti hai deuh \hin zawng a ni e. Engtiziaa kan ram mau leh rua te hi iai viau mai nge a nih le? Kan \henawm State ten an sum hnar \ha taka min hman sak lai hian Foreign mau a hmu tai zawk tlat mai hi chu a mak deuh a nih hi maw le. Kan ram mau hmang hian khawvel entawn tur chu a hnutchhiah thei tho lo em ni kan pu hian?
Jonathana Pu

9862357839

School \an chungchang hi ka’n tiri ve zawk teh ang. Sorkar hmasa khan \ha an tih viau vang pawh ni lovin, MZP hruaituten na taka an nawr vangin mipui tam fe zawk duh lo chung zing dar 8-a School \an turin thupek a chhuah kha kan la hre rengin a rinawm. Khatih hun lai khan nu leh pa leh zirtirtute kan phun nasa hle a, nimahsela, sorkarin a tihluih tlat avangin phun phunin awmzia a neih chuan loh avangin sorkar thar nghakin kan tuar ta ngawt ngawt mai a nih kha. Punctuality hi hma taka kal a ni ringawt lova, tlai taka kal pawh a ni chuang lova, a hun taka kal hi a ni zawk. Chutiang bawkin school \an hma hi hmasawnna a ni ringawt lova, \an tlai pawh a ni chuang lova, a hun tak zing dar 9 (Mizo society nena inmil thlap) a School \an hi changkanna chu a ni zawk.

9612623776