Fakselna 7th February, 2018

0
841
views

YMA kumpuan RAM LEH HNAM HUMHALH duh lo zawng chuan Congress-ah vote thlak leh vek tur. Chakma leh Tuikuk an duat em alawm!
SANGA
————–

Eirawngbawlna an sem khat em em laiin black-a hralhtute chuan hralh tur an nei reng tho mai. YMA-in kumpuan a tih mek lai hian vaiho chu man to zawkin in kan luah tir duh zawk a. Mi awm tha duh lo, drug hmang sual / KS kan tihte atanga HIV inkaichhawn kha a ni ber thin. Mahse, tunah chuan mi pangngai tak te, inkhawm pawh peih tak te hnen atanga kai chhawng an tam ber tih hmuh chhuah a ni ta zel a, hei hian kan Kristianna hi kawrah kan hmang mai mai tih a chiang hle.
Aizawl pa
————–

Duhthu i’n sam leh ngawt teh ang. Kum tawp Election-a kan mi thlante chu Pathian nungbia tak tak ni thei se. A hming lam mai ni lo, mahni infak vak vak ngai lo, in ropui tak tak sak nana eiru ve ngai lo, Tripura Chief Minister ang khu a ni mai awm e.
Peka pu
————–

Ramri chungchanga MNF leh Congress dawih dan em em hi chu Mizote min tithangtlawm takzet. Naga chuan an ram ni ngai lo, Dimapur pawh an nei der tawh. Ramri-a hriam taka kal ngam chuan ram an zauh a, a dawih ram chuan kan neih sa pawh kan chan then zel dawn a ang hle mai.
RK Sanga
—————-

Zoram mipuite, thingtlang leh khawpuia awm zawng zawngte hian kan ram dinhmun, nitina a lova kan awm theih loh Power, buh, alu, purun, artui, dal etc. a kan intodelh lohzia hi mutmawh hnarmawha kan neih a hun ta. State dangte thawhchhuah ring ringawt maia Zopa kan nung ta ringawt mai hi zahthlak tak a ni. Tunlai kan ration buhfai ngat phei hi chu State dangte ei duh loh theh thangna ram kan ni ta ber a ni mai lo maw? Heng thil zawng zawng hi ram hruaitu kan duh tui loh em vanga kan rahchhuah kan seng a nih hi! Mi thahnemngai ram vei, mahni line pawha mi tak tak, lo zuangchhuak te lah sawichhiat phet kan lo tum bawk nen. Kan ram hian kalphung thar, mipui sorkar siam tura lo pen chhuak, Tangrual Pawl, ZPM hi kan ram, kan hnam dam lehna tur an ni tih hriain, full support i pe ang u!
Ramveia
————-

Mizoram mipuite hian kan ram kan enkawl danah hian kan inenfiah a tulin tan kan lak thar hle a va han tul tak em.
Tlabung aw
————–

Zoram, âw Zoram i pianpui unau, i kawmchhak kawmthlang Burma Bangladesh ten, Drug leh ruihhlo chitin reng hmangin i mawina leh duhawmna, i thianghlimna, i chakna thahrui an tih chhiat mek lai hian i mutthluk san mai dawn em ni? Tho la, i puan ven sawichhing la, i ram, MIZORAM tan bei ta che.
Roger L. Hlonshing
—————

Pu Vanneihtluanga’n ZPM Office-a thu a sawi kha han pe chhuak leh teh u, kan ngaithla ve chak e.
9856246017
—————-

Tun inthlan chu party lian tak tak Congress, MNF, ZPM-te inbeihna a ni dawn a ang. Party dang hi chu eng vak an nih ka ring lo.
Duata pu
—————

Mizoramin kan buaipui em em Tuikuk ho hi kan Political Party ten MLA inthlan dawn apianga vote tura an thlem dan hi fimkhur tawh teh se. Mizote tana thil fel lo a thlen phah tih hi hre tlang ila, Tuikuk te buaipui tur pawh hian an chenna State Tripura Police-te nena thawh dun thin ni bawk rawh se. An chunga thuneitu Tripura Police te thu ngaichang lova, Mizoram atanga kan zuk be kual mai mai thin hi chu min hlau lo, min pawisa lo thin em mai. Tuikuk ho hlauh em em Tripura State Police te nena thawh dun, tan ho mai hi a fuh ber ngei ang.
PH FANAI
————–

Kei chu kut hnathawk mi ka ni a, ka duh ber chu tui tak leh phur taka hna min thawh tir theitu tur, sawrkar, sangha ei dan ni lova, sangha man dan min kawhhmuh thiam sawrkar neih hi a ni ta e!
9862539105
————–

Aizawl khawpui vantlang kawng pavement-a lirthei zalen taka dah hnawk thinte hi man an ni ngai em le? Garrage nei lo kan ngaimawh viau laia, parking lam invawnna chau lutuk hi a zia lo ka ti.
LK-a
————–