Fakselna 7th March, 2018

0
855
views

Khawvel hi buaina-in a khat zo taa, chuvangin kan ram pawh hi ven that a ngai tawh a, ralmuang kan intih lai hian kan khawpui Aizawl chhungah leh khaw dangah te pawh kan fimkhur a ngai tawh hle. Chuti lo chuan khua kan tlai palh a nge. Se bo hnua se kawngkhar chu a sawt tawh dawn miah lo a nia.
9612238063
————–

Politics hmanga Zoram siam that tumtute u inti dik lo. Zoram siam that induh tak tak a nih chuan kan ramah thlarau thianghlima harhna dik tak a lo thlen theih nan tawngtaiin Pathian au zawk rawh u. NINEVI khuate anga mahni sual theuh sima, inngaitlawma Pathian kan auh a hun tawh tak zet. Chu chu kan siam thatna chu a ni.
Ruth-i pi
————-

Thlangkawrvai, vai ngalria-in kan ram min run mek laiin Aizawl Lammual-ah Chapchar Kut hlim takin kan hmang mup mup mai chu a ni si a. Chhantu baihvai aw kan Zoram, ka lainatin ka hmangaih che tih hla te pawh hi ka hriatthiam phah ta rum rum mai! Mahse, hlaphuahtu tam takte hian an dawn an phuah chhuak a, a tak erawh chuan an nunpui lova, a awmzia an phawk chhuak pha hek lo, a ril thin em a tin ni!
SANGA
————-

Assam ram leh Mizoram inrina-ah hian buai a awm deuh fova, kan ram chinah MZP-ten chawlhbuk an sa a, Assam sorkar lam chuan an ngaimawh hle a, sorkar chuan MZP chawlhbuk chu an rawn nawr chhe vek a, kan sorkar lam hian an thawm an hre lo nge, an beng an chhu ngawng lui? MZP hma lo lak ve hi a duh tawk mai nge, he thilah hian sorkar hi a inrawlh ve ngam lo? Sorkar leh sorkar hi a hma lamin kan nih tur ang ang ni turin inbiakna nei thuai se a va tul tawh ve. Assam sorkar hi an huang tau sia.
Tlabung aw
————-

Tunlaiah Mizo zaithiam thahnem tak an awm ve ta. Hla hlui pawh nalh tak tak an rawn cover thin, a lawmawm. Mahse, engnga tinge aw Daduhi sak ‘Keizawng ka thlang Mizo val ngei’ tih hi cover an va awm ngai lo ve? Mizo val hi thlan tlak kan awm vak tawh lo em ni?
Lawma Pa
————–

Zorinsanga Sailo kha a va zaithiam tak em. Zorinsang, zai zel rawh, i aw mawi leh nalh tak khan Zofate hi min han awi zel rawh le.
8794179523
————

Nagaland-ah chuan BJP sawrkar lawm nan pawisa an vawr a, kan hmu vek, kan hria. BJP hi lo sawrkar ve ta se Mizoramah hian pawisa hi mihring dam chhan a nihna avangin kan vote ve mai lo maw?
Moe, Saptui veng
————-

Ka Pu, kan vengah chuan mipa deuh hlir an thi mai a, hmeithai kan pung hle ta mai hi doctor leh sorkar hian a chhan leh vang chhui se a tha lo maw? Kan mang a ang ta. In khaw lamah a ni ve em?
HC-a
————-