Thil pawimawh tak mai nia ka hriat chu tunlaia kan \halaiten hmanlai pi leh pute nunchan an rawn zir \hin hian mipa/tlangval lem an chan hian sam thlah hniang hnuang leh bawrchhawr tak leh diar an khimin bek thluam zuta an khim \hin hi a dik lovin a ang lo lutuk. Ka hmuh ve phak pi leh pute khan an sam kha tukkhumah an zial fel nalh a, thimkual an tih khan an kilhbet chat a, an felfai hle \hin. Diar an khim a nih pawhin pa takin an vet chaih a, a hmawr a uai a nih pawhin beng hnung lamah fel takin a uai mai a, bekah a thluam ve put ngai lo. Nula pawh sam thlah uai hnuang ka hmu ngai lo, fel takin an phiar a nih loh vek chuan mawi takin an zial hnap \hin. Chuvangin ka ngen duh chu hmanlai film lantirtu reng rengten ka sawi ang khian ti u la a \ha-in ka ring. Tin, Vanapa Hall kawta Vanapa lim hi a te lutuk, Vanapa Pu Thangzachhinga hi pa te a ni lo, pa lian tawk tak, pa airia sang thlerhthlawrh a ni. A lim hi pu Gandhi-a lim tiat tal chu a ni ngei ngei tur a ni. I siam\ha leh ang u. Lucas-a pu
8729802844
Zarkawt leh Vanapa Hall bula MUP ho niawm tak pawndum sina Pu Amit Shah an lo hmuak kha ka ngaisang tawp. NGO ho lah khan an phatsan tlat si a.
Ralte Bengchheng
8794659715
Mizoramah Mizo kan inkhel a, Mizo bawkin kan en tlangpui a, Mizo thovin a comment a, enga tinge sap \awng a hman kher le? Kan \awng tih dalna pakhat a ni thei mai lo maw? Ngaithlatute Mizo deuh vek kan ni awm si a, Mizo \awng ngei kha hmang hram \hin tawh se ka ti ngawt mai. 97742 95805
Union Home Minister- in CAB a kaltlangpui a nih pawhin, ILP tun aia \ha zawk pek min tiam hi ngaihtuah thuak chuan lawmawm hle-in a lang a, mahse zawhna awm ta chu ILP hi CAB-ah verbal-in a bei ve mai mai dawn nge , Gazzeted thlap a ni dawn em?
LB-a Pa
84140 29478
Inrinni-a Central lam hotu lian lo kal kan sorkarin a lo dawn sawn dan leh kawngpui a lo dahawla motor tlan dan a lo tihdanglam dan vel chu fakawm viau mahse motor kal an phal loh vanga Bawngkawn-Durtlang kawnga damlo an rawn zawn chho ka hmuh kha chuan rilru a kal thui tir hle mai. Damlo na tuar hrehawm taka awm kha damdawi in an thlenpui vat theih nan duty te khan hma lo lakpui zawk ta se a va \ha dawn em. LT Ralte
98620 07651
Mizoram chimral kan awlsamna chhan ber tur chu \halaiten ruihtheihthil kan lawm lutuk a, chintawk kan neih lo leh mipat hmeichhiat kawnga kan inthlahdah lutuk hi a ni. Sorkar, NGO leh kohhran awmze nei khawpa kan chet nat a ngai. Chhungkaw tinin invawnna khauh kan mamawh hle bawk, i \ang hlawm hle ang u hnam ral mai lohna tur hian.
RK Sanga
9862366590
Central-a Chidambarama tal buai mekna case leh Mizoram Tuipangkautlabung case tihtawp tak mai kha a zia a inan hmel fu mai!?
Thlirtu
8729984567
CAB lalpa lo kal chuan eng tak nghawng nei ang maw? An fate pahnih, sawn leh fa tak rokhawmtu nih inchuh te bak rilru a khawih pawh ka ring lo e.
Hluhlui Thlanmual veng
8730841016
Pu Laldenga khan kum 1966-ah hnam sipaite nen ramhnuaiah nunna thapin ralthuam neih ang ang te nen Arakan leh tuna Bangladesh kan tih takah te khuan bu an khuar a, chuvangin Tuikuk, Takam, Bengali leh adt. Mizote chimral min han tum \hin mahse phuba latu tur, Arakanah kan neih miau si avangin an tan chuan pialtlepa liluh tum ang mai a ni. Khatiang ni lo se kan ram dinhmun tur chu tuna Tripura state ang khu kan ni ngei ang. Eng pawl pawh hian ram kan hmangaih \heuh a, kan \angkai dan erawh a inang vek lo. Hetiang a nih laia MNF te hnam phatsan ang lek leka sawi hi chu chin loh a \ha.
Tlabung Uitangrual
9862014844
Hnam dang nupui pasal inneih pawlh phalna hi Bible-ah hian ka la hmu fuh miah lo mai, ka chhiar tlem bawk a. PATHIA in hnam hrang hrang, vun rawng hrang hrang leh \awng inanglo leh ruakhau hrang hrang min siamna chhan te pawh a nih a rinawm. Sawi ang khan Bible-ah hian inneih pawlh a phalna hi ka la hmu fuh ve lo va, inneih pawlh a phal lohna chu hmuh tur a awm nual. Mihring mai ni lovin ran pawh inthlah pawlh a remti lo. Hnam hrang hrang, ramsa leh ran pawh chi hrang hrang kan awm nachhan te pawh hi Siamtu ropuina a ni. Chuvangin kan Mizo hnam tan pawh hian hnamdang nupui pasal neih hi kan PATHIAN duh zawng a nih ka ring thei lo.
PAVALAI
8014499153
Inthlan dawna kan buaina leh Party te inbeihna ber CAB chu Central lama vai LAL a lo kal meuh chuan kan thaw huai mai lawm le. Assam nena kan buaina pawh hi kan la thaw leh huai mai ang chu maw? Kolkata lama in ropui lah Party \henkhat chu an thawhuai mai bawk a. Khawvel awm chhung hi chuan lawm ni leh lungngaih ni hi inthlak reng tur a ni tihah hian chiang ila a hahdam thlak mai awm e. Duh tawk lah um phak theih hek loh.
Dindini pu
