Fakselna 8th January, 2020

0
81
views

School naupang sikul kal lun lai taka Chief Minister motor ten Kulikawna traffic jam a thlen \hin hi a pawi khawp mai. Badminton a khel \hin a ni awma, mipui tibuai lo zawng hian a motor te hi dah dan a awm lo maw? Mi an phun nasa hle a ni.
Maawmi

9436154166

MNF party chuan an sorkar chu zu revenue hmangin chhanchhuah a an dinhmun khaichhuah an tum ta mai em ni? A nih leh khawnge Central sum tuikhur tui thâl sen loh luangliam zur zur khawpa tam Pu berin chil per sung sung khawp leh uar taka tehkhin thu a sawi kha tun hi a thâl hun chu a ni dâwn lâwm ni?

6009171826

Pu C. Lalrosanga chu nimin lamah tluang takin Lengpui Airport a lo thleng ta chu a nia, media te zawhna chhân phalloh khawpin maw MNF Party chuan an lo nawr beh nat a, amah thlang tlingtu mipuite pawh zah zo lo khawpin an lo siam ni? A lainatawm roh zawk hle mai. He politics chhia saltânna lak aṭang hian tal chhuak vat se ka va duhsak tak em.
Sawmsawmi Nu, Msv

9612377398

Chungu-in lal an dil a, BAWNGPA LEH KANGHLAI an in lal chhawk vel a nih kha. Keini pawh chal hnawihsen kan duh loa a aiah CAB lalah kan nei leh a, rampum kohhran thlenga ralvek theihna. Tute hi nge mawh phurtu ni ta le? BAAL hma a kun ve lo kohhran leh NGO hrang hrang pawh hian kan zawn thiam a \ul ta, a tawpah kan lung a awi leh si lo. Asenchi rui \hin kha Avarchi local rui tawh zawk ang aw. Bawngpa leh kanghlai lalah neih chhawk tlut tlut mai ila a ni mai lawm. I thuin thiam i changa i thu vekin thiam loh i chang ang.
Sangsangi, Thlanmual Veng, Thingdawl

8730841016

Hmanni chu ka lên kual vêlnaah Aizawl khawpui laili takah ‘Paihte State Demand Committee Office’ ka hmu a, mak ka ti hle mai.
Lala, Aizawl

8974771496

MZP President zawhna chhanna chu, MNF PARTY hian BJP an thawhpui, an hlauhtlawn. An pute thlavang an hauh loh nakah le! Independent kan sual e ti a tlawm leh si kha an ni miauva. Vai hi hlauh taktein an hlau tawh a sin!
Sipai Liana, TT

9862539105

Information Department buatsaih Mizoram Calendar hi mipuiten kan hlut a, sorkar holiday chiang taka tarlan a nih bakah District hrang hrang khua leh ram thlalakte tihlan \hin vang ni berin a lang. Amaherawhchu, District \henkhat thlalaka an lan zut laiin Lunglei leh Lawngtlai District-te hi kum 3 chhung chu an awl ta. Mahni District chhung a lan ve hian a hlu ve viau \hin a sin!

7005811526

Kan MP chu vairamah Mizo mipuite duh loh em em CAB thlawp tur a BJP tan a huaisen nen, ama ramah ngei Tawlhloh puan nen a tlanchhe duai duai an ti a ni maw! Kei thingtlangpa, mimawl ve mai pawh hian zahpuiawm ka va lo ti ve.
Johntea pa, Thingtlang pa

98623 77310

Keini chu ILP-in min hum a lawm tih vangin CAA hi do lovin kan hlau lo ringawt ang maw? I \henawmpa in kâng hluah hluah khan i in kha a rawn kâng kai ve chuang lovang tiin \helh mih tum lova thlamuang taka i \henawm pa in kâng kha i thlir liam mai mai a nih chuan a hmabaka rawn kâng leh hmasaber tur chu i in, nangma IN ngei kha a ni tih hria ang che. Hindu lalram dina tihngheh an tum meknaah hian ILP hian min hum kumkhua dawn silova.
Om-Omi Pu

89747 72155

Kan sorkar chak tak chuan kawngchhawng aiah bel chhawng zawk maw an siam dawn tak. Tlabung Uitang rualho, an pute dawhkana an ei bang nawi lo khawm ve tute chuan Modification leh Bel chhawng Theology hi an \an leh tlat tho ang.
|hahmingliani

98626 72589

Kum a thara, zu zawrh dan kalphung thar nen bul kan \an dawn chu a nih hmela, kan lo thlir zel mai a niang chu.
LT Ralte

98620 07651

Kum 1 sorkarna hmang zoin kum 2-na kan lo chuang kai ta. Kan hmalak vena tur cheng nuai 3 leh Mau te kha thehhmeh ang maiin a thawm a reh ta hmiah mai. Kan sorkar hian tum bulbal nei loin min hruai an tum ta mai mai nge ni a, eng emaw a tlachawp thil a rawn duangchhuak leh dawn? Zopa lu ava hai tan ta ve!
Zopa

93666 30785

Congress sorkar zu zawrh duh lo a kawng hial lo zawh tawhtu, MNF an sorkar meuh chuan tum loh lamah mipui min barakhaih dawn maw? Zu tho an zuar dawn a nih hmel. Kan Zoram hi harh tawh tak ang maw?
Aizawl Nu

98622 89125

Sailova’n ‘Zoram \ang fan fan’ tiin Mizo mipuite min auva. Tun thlengin kan harh thei mawlh silo, Mizo mipui te u tun a kan ram dinhmun thlir hian lung a awi inti tlang em? MNF leh CONGRESS ringawt kan buaipui a, Pu Zoramthanga leh Pu Lalthanhawla te thlen chin hi kan hre thawkhat viau tur a ka ngaih laiin, tun thleng hian kan la harh thei lo chu a nih hi maw. Aw… Mizo mipuite u harh a van hun tawh tak em. Party ruih chilh hi bansan avan hun tawh tak em. Ka vote hmang hian ka thlan tlin theih ang bawk hian, ka vote hmang vek hian ka paihthla leh thei a ni tihah chiangin i harh chhuak lul tawh teh ang u khai. Pu Lalduhawma te hi enchhin ve teh ang u, a lo \ha ta lo a nih chuan kan vote hmang vekin kan paihthla leh mai dawn nia tiin ka au tak zet zet a che u. I harh mawlh tawh teh ang u khai.
Zoramhmangaiha

98628 05130

Kan sorkar chuan zu haw ber ang khan a insawi a, tunah chuan zu zawrh bawk maw an tum leh tak? Ka lo vote ta kher kher kha ka va han inchhir vawng vawng em. An insawi ang zawng an lo ni bik lo a nih hi. Chirstian zu zuar sorkar kan lo nei leh dawn ta. Zu chhiah hi engahnge kan it viau ni aw, tiang in nih chuan in sorkar leh tawh tawp lo vang le. Mipui hi an ^ tawh lo a nia aw. INREMNA in siampui in sipaite lah in ngaihven \ha bawk si lo. PATHIAN huat zawng in sawi ngei ang le. Zu hi zawng zuar lul teh suh u ka pu Ramte.
Taitea, AZ N

70052 51641

Kan MP Mizoram lo haw zet chuan ram leh hnam, sakhua (Kristianna) hmangaihtu tak tak chu a hriat chian ta hle mai maw! Pathian leh kan ram tan titu party te hian an pu ber rilru hi nunpui ve ta zelin, an hrawk bawk chin chunglamin ram leh hnam hi an lo hmangaih satliah ve mai mai zawng a lo nih chiah hi! Mipui ten inthlan leh hun atan i hre reng tawh mawlh teh ang u.

70059 44949

CAG report a\anga sorkar hnathawk ten an hna an thawh\hat loh avanga mipui sum (public fund) tam tak a luangral \hin tih hriat a ni reng mai. Taxation Dept te, Health Dept te, Power & Electricity Dept te leh Dept dang dang te pawh. A mawhphurtu hi sorkar hian hrem ngam teh se! A tam hem hem emai.

94851 41120

Zu khap (Hmeithai siamna khawl off) an tiam vanga vote peta tih beidawn an tum a ang ta riau. Tourist tan zu zawrh, beer leh wine siam phalna pek. Hetiang zel a nih chuan wine shop hawn leh a hnai phian maithei a ni. Cheng nuaih thum tal sem sela aw!
Ramliana

94361 97357