Fakselna 8th September 2018

0
509
views

ZONET Zing Daifim hi mi tam takin kan ngaithla \hin a, Daifim huna chhiar \hintute a tlangpuiin ngaihnawm, bengfah, thluk dik taka chhiar thei awm ngai lo hi enge a awmzia te ka lo ti ve a. Mizo\awng a thluk bo \haka an lam ri \hin hi veiawm riauin ka hre ve a. TV-a an lo lan hma hian enlawk dan awm thei lo maw te tiin ka lo phunchiar ve a ni. Beng a kham \hin em a ka pu.
8794281207
————-

Mahni ram, khua, veng leh club jersey/flag hian thil tam tak a sawi a, kan hmangaih \heuh. Chutiang hrethiam phalo leh inzahsak nachang hre miah lo kan la awm hi chu a changkan loh thlak khawp mai.
9615232461
————-

Assam chuan kumin March thlaa naupang pawl sarih zirlai pawngsualtu chu thi turin a chungthu an sat tlu ta rup mai. Hmannia kan nau pakhat, kum 13 mi an in a\anga hnuk chhuaka pawngsualtute, Chakma mi 3 ve kha le sorkar danin pahnih hian kum la tling lo mahse, kei chu an huangtauna ti\huanawp rap thei khawp tur hian chet ve a hun ka lo ti mai mai a. Mizote hi min beih nasat an tumzia chu Facebook-a North East Minority Group-ah khan lo en ve \hin r’u. An lehkha thiam Mohini Chakma inti ngat phei hi chu social media-ah a huangtau hle.
KAMTAMA, MSV
————–

Inthlan dawnah thil \ha tih tur an hre chhuak. Zoram an hmangaih thut mai bawk a, hei hi ram hmangaih lo zia dik tak a ni. Thil an tih theih laia ti duh si lo, inthlan dawn hnaiah an han hre chhuak leh chauh mai \hin a nia. Mi rinawm lo, retheite avanga tling ve mai mai, zak miah lova dawt sawi \hin kan politician te kan hnawl ngam a hun ta.
Fela pa, KK
—————

Pu Duha Pu Hawla’n thawhpuia a sawm khan lawm taka pawm mai turah ka ngai a mahse a duh hauh lo. A thil tumah a chiang hle niin ka hre ta. Thlawp tlak a lo ni. A thu hrimah Mizoram zirna sang ber MZU-in \um khat chauh ni lo. Vawi tam tak CM a tana \ha bera an thlan \hin kan lo thlang tling lo \hin hi a pawi tawp. Hawh u, tun \um chu ZPM lam i hawi hram teh ang u.
9862913345
————-

2018 ZONET Mizo Idol Chhinga Veng JAI GA.
Debu Vairengte
—————

Pathian hming a narana sawi ching ber chu politician an ni an tih \hin hi tihawm tak a lo ni e. An thusawi nemnghehna rubber stamp-ah an hmang ni berin ka hria. Sakhaw dang pathian hming lam se chu kan thik leh lawi si ang le.
LLK-a
—————-

Chanchinthara Chakma 3-in Pang nula an pawngsual tih thu an rawn sawi kha engtiangin nge thu a kal zel tak le? A thu hrimah, Pang, Bawm, Paihte, Matu, Lai, Mara, Hmar etc. te hi Mizo, Zohnahthlak chhul khat chhuak vek kan ni tih hi Takam ho hian lo hria se chin tam vak chi a ni lo tih hi Tlabung Uitangrualte thuchhuak a ni a, tun chinah hetiang thil hi Mizote chungah Chakmate hian thlen tir tawh lo hram se kan duh a, kan han ngen nghal bawk a ni e.
Hnam Arsi hruaitu ZORAM SAKEI
—————

Mipuiin duhthlan tur kan nei e. 1) Pawisa sem/pek min tiamtute nge thawhrimna nena hlawhtlinna min tiamtu hi kan \hatpui ang?

2) ‘Ka eiru lo’ pawh ti ngam lo Chief Minister kan lo neih tawhte hi par\hi kan la awrh tir zel dawn em?

3) Hei leh chen ram tana ro lo rel tawhten min thlenpui chinah kan lung a awi chiah em?

4) Mimal leh chhungkaw tana mi \ha ni tura kan ngaihte hi ram tana mi \ha an nih si loh chuan kan chhungkaw tan ngei pawh an \ha zik tluak chuang lo ang tih hi a rinawm a ni.

Heng ka ngaihdan ve mai te hian ram kal a siam zo lo a nih pawhin a tlakna mual mual chu lo deng ve teh se.

9862313207
—————-

Politics hi a mak ngawt nia! Congress leh MNF-te chu inhal kumkhua tura ngaih an nih laiin, veng khatah chuan inthlan dawn ruaiah Local Council sorkar siamna kawngah an thawk ho leh tlat mai. Tum thuhmun neiin ZPM hi an NIL tir thei ang em? Huphurhawm khawpin mipui hian ZPM hi an lo bawh ngei tih chu a rin thiam theih ta ruak mai. Lo thlir zel phawt ang.

Zoram thlirtu
—————

Kan inthlanpui hmachhawn mekah hian kal ngaihna hre tawh lo party lian pahnihte hi kutkem nei nupui angin hnawl tawh ila. Ram hnukpui thlung thei tur party thar lam i hawi tawh mai ang u. Anni pahnih kan thlang tling leh a nih chuan mahni luak hnu ei \hin ui ang lek kan ni dawn si a.

Zohmangaiha
————-

Congress zu zuar leh MNF vai hnena kum 1976 a tlawm a zu zuar nghal a, Mizoram suasamtuten sorkar an inrin chuan ZPM-te chu sorkar inring hluah hluah tur an ni. Anni hi Mizoram tana tihsual la nei lo leh Pathian ringtu awmkhawm an ni alawm.
9612216335
————

Nizan ldol thlannaa an light pek dan kha mit a va tih hah ve le, pawl fiah lo ruai kha an duhdan reng em ni?
9862707646
————-

Mizo Idol Top 5 Ticos-a a la zaithiam reng e. Mahse, Judge te sawi ang khan a inthuamna kha a ho lam deuh. Eng club jersey emaw ni ha chunga ho lam taka Mizo Idol nih tum chu a inhmeh lo lam deuh a ni. Zaithiam ni satliah lo, Mizo zawng zawng Idol tur thlanna a ni a, Idol chu an lan danah mipuite hian kan teh tel tih lo hre teh se.
Jonathan-a zaithiam khawp mai, \ang zel teh, Idol tura ka hual i ni e.

Tlangvaltea, Aizawl
————

Open letter to Idol Judge Rinzauva,
CVFC jersey ha kha i lo ngaihmawh a maw? India ram champion hnehtu an ni a sin. Miss Mizoram pakhatna pawh kha CVFC a\anga mi hriat hlawh an ni a sin. Sorkar leh phaia \halai hna neih nachhan hi CVFC jersey ha pha an nih vang a nia sin. Rinna zau hi a ni lo, hriata hawizau a ngai sin.
9862326375
————-

American Idol-ah an hmai leh lam chauh kan hmu lo. Stage kha ti eng deuh teh u.
8416048838
—————-

Mizo Idol top 6 an thlang leh ta, endiktute ka va fak em. Zaithiam em em vek an ni tawh a, chuta \ang chuan thlan chhoh zel a ngai si a, mahse a awm tak hlir an la thlangin ka hria. Nizana tla ta te kha ka fak duh bawka, an tla thiam thlawt ka ti. Intihsiak leh hun ka nghakhlel leh tawh lutuk, an thiam em em vek sia engtin tak rawn zai leh ang maw? Jonathan, i elpuite an thiam ropui mai sia, kan star bawk si che a, nasa takin \ang fan fan turin Fakselna kaltlangin ka han fuih leh che a ni e.
Nangmah \an em emtu Electric veng nu
————

Idol a hmuhnawm hle. Judge te an thiamin an hmuh a nuam. Chutih rualin nula Zonuni hmel kan hmu tel bawk si a, a inhmeh leh zualin ka hria. Tin, Pangzawl tlangval kha ka \an bon top bawk a nia.
8974132984
—————-

Idol ka en ve ziah a, endiktute comment hi a ring viauva, contestant te thu an zawh a, an chhanna a ring lo tlat hi chu ka vei ve deuh.
8132843865
————–

Ka IDOL, Teawmi Top 5 a lut kha ka va lawm em. Jonathana Pangzawl kha ka \an tawp che \ang fan fan teh u.
REMA NU, KAWLKULH
————–