Fakselna 9th August, 2018

0
505
views

Tuikuk ho hian Mizote hi min bawl nasa lutuk. Kan mithiamten \an la ve teh u. An chhuah dawn khan anmahni duhthu ngeiin an chhuak a ni. An hotuten Tripura-ah an hnampui leh tlang mi engemawzat awm sate nen RAM BIAL KHATah kan awm anga, MLA nei vein kan ram dik takah District Council (autonomy) hran neiin kan awm thei ang an ti a, mahse, Bengali pachal thluak an ngam ta lova, Refugee angin a lo khung khawm a, MLA chu sawi loh vote pawh a neih tir duh lova, Mizote hi an mawl a, intisang fu fu tam mah se an nawr a nuam zawk ang tiin an duh duh an DEMAND ta a ni e. Nang lehkhathiam, Sap \awng thiam leh vairam, Delhi leh khawpui hrang hrangah pawh harsatna nei lova tal thei khan i finna, thiamnate hman hun a ni. Kan SORKAR PAWH |ANG NASA RAWH SE.
VL Ruata
—————

Zonet local channel-a naupang film en chi leh naupang hla (Nursery ryhms) inrawn tihchhuah \hin ho hi a \ha kher mai. Naupang tana \angkai leh inawm hlim nan a \angkai tak tak te a ni hlawm a, rawn ti chhuak zel teh u. Film \ha lo enpui mai mai ai chuan a \angkai teh a nia.
8794631467
—————-

Upper Khatlaa lei dawh hi an va zo har em em ve. July thleng kha hun an pawhsei sak ni khan ka lo hria a. Hei July chu a pel leh duai tawh. Thuneitute hian a thiam dawh tir mai teh u. An zo thei ngang lo a nih hi.
A Citizen
—————

Mizoram Muster Roll te chanvo hi sorkar hian siam\hat dan a hre hlawl lo em ni? Ham\hatna lei rem rah ve thuai thuai an va chak tawh ve. Kum 10 leh kum 20 chhungin promotion pawh an hmu dawn lo em ni? Khua a va var har ve. Senior tak tak an tam tawh a nia. Kan sorkar hi han insangmar teh se. Lu man leh pension pawh nei lo, zum leh hriam kara hnathawktute an ni. Kut hnathawktute hi kan sorkar hian i ngaihthah lo hram ang u.
Ruattea
————–

Kan MNF hotupa zet hi chu a \awngvai leh \an ta maw? Nuai thum a sem hunah phei chuan a tho ^ deuh reng mai ang a. Kan Congress ho lawmah a tla awk awk zel mai hmel e. Hetiang ho hian ram bial khat ve reng ruangah hian thuneih ber an han tum mai \hin zawng a nia leh. Zofate zet hi zawng khawvelah hian kan va han changkang mawh dawn tehreng em. Congress ho nuai khat sem ang pir per hian a mawng tawlh zawngin hnung kan sawn ve hun hun zel phawt anga, \hang hnih khat a’n her liam leh meuh chuan Zofate hi History chhuanawm loh ve takah min chanpui vek thei tawh mai ang. Party dang ho pawh hi an va chuti lua bik love. Pu Hawla sem policy dungzui vek tho an ni. Pu Hawla tih thikte pawh an ang hlawm e.
Tlangvala
————–

A hmasa bera NLUP, tuna NEDP an tih leh tak chu mipui tam zawkin kan rin ang ngeiin, PM Special package leh CM Special package ni lovin, mipuiin kan chhiah chawi tling khawm a\anga Party mal induhsakna atan kan sorkarin an lo hman ngei a nih tih kan rama dan rorelna sang ber chuan a pawmin a hmuchhuak ve ta maw!! Hmanah khan lo bawhzui nisela chuan heti khawp hian kan ram hi a tla balin kan kawngte leh hmasawnnate hi tun aiin a ropui tawh tur hi a nia. Eng pawh chu ni se, tlai viau tawh mahse a lawmawm tho tho e. Thu dik lo chu a tlo ngai lo an tih ang khan dawt thu hi chu a tawpah lanchhuah hun a awm tho tho \hin. Mipui lam pawh kan inngaihtuah harh a hun. Dam chhung ei theih pawh ni lo, cheng sing li, sing nga bawr vel leka kan zahawmna kan hralh hian mi dik lote kan chhana, dikna haichhuah tumtute kawng kan dal a, a tawpa a tuartu chu keimahni tho kan ni leh \hin. Hmalam pana kan kal hi a hun ve tawh viau lo maw?
Sylvia-i pa
————–

Sikula chaw chhumte lawmman hi an va la har tawh em em ve. April a\angin an la la miah lo. Heti ringawt chuan chaw chhumtu pawh an inhmu lo mai ang tih a hlauhawm khawp mai. A ranglamin hotuten ngaihtuahsak se a \ha hle ang. Mid day meal hi sorkar laipui pawhin a ngaipawimawh hle a, a ngaihpawimawh ang hian kan ngaipawimawh tawk lo nge, MDM chawhmeh man pawh April a\anga lak a ni tawh lo bawk.
No. Thup
—————

MZP hruaitute u Bairabia chawlhbuk sak hian zirlaite examnaah mark engzat nge a put? Heng boruakte hi chu kan politician-te kutah dah ve mai u la, an tel lo chuan thil tih tak tak a har a nih hi mawle?
9436754005
——————–

Eng hnam pawh hian hnam chi fir nih kan duh a, mahse a theih tak tak loh. Hnamdang nupui pasal nei kan awm leh zauh \hin. Nupui pasal neih kawngah hnam humhalh nasa a piang an ziaawm nge nge. Ti ve khanglang ila eighties chhova Shillong-a lehkha kan zir laiin Khasi hnam kan ngaihnepna chhan pahnih a awm a, mipa zawk hmeichhe inah an lawi leh hnamdang pasala nei an awm zauh zauh kha. Tunah chuan an \halaite an \hangharh tawh a, an nulaten hnamdang pasala an neih chuan Khasi hnam anga pawm an nih tawh loh tur thu an sawi a nih kha. Naga nulaten hnamdang tlangval an kawm meuh lova, an tlangval ten an phal lo tlat. Kan \hianpa pawn a lo kawm a, an khawih hrep. A hnuah kan \hianpa khawihtute kha Mizo tlangvalten kan khawih ve a, ngaihdam min dil chul mai. NGO hrang hrangten hnamdang nupui pasala neih loh nise tiin Mizote min ngen \hin a, zawm atan a \ha hle mai. Hnamdang nupui pasal neite hi engtia ngaih tur nge? Eng chena ngaih tur nge tih chu ngaihdan leh duhdan a inchen lo ngawt ang. |henkhatin eng kawngah pawh hman a pawi lo an ti anga, \henkhatin eng thilah mah hman loh tur an ti thung ang. Khawi zawk hi nge kan hnam kal zel tan \ha zawk ang. Hnamdang neih kan duh loh tak tak chuan tun aia kan strict a \ul ngei ang. Hotu leh hruaitu atana hman loh hi hnam humhalh duh tak tak te chuan an duh zawk ngei ang.
DIKI PA
—————

Zin loh TA BILL la duh mai mai hi chu vote lo ngam ang u.
7642929719
—————-

Tuikuk heti tak maia Central leh Mizoram sorkarin an buaipuia, an han duhsak ta mai hi ngaih hi a \ha chiah lo mange. An chhawmdawlna leh duhsakna te lah chu sawiin a siak lo, an han huangtau em em mai lehnghal. Kan duh ang ang demand ila min pe tho tho ang ti ang maiin, kan sorkar lah chuan an duhsakna rawh e ka’n ti teh ang. Kan hnam, kan ram pumpui tana remna siamtute hi min va ngaihthah leh si ve. Hei baka remna leh muanna thlen tirtu Hnam Sipaite hi heng Tuikuk (Bru) te ai hian an thilphut, an thil ngen hi tihhlawhtlinsak sela, kan ram hian a hlawkpui zawk awm mange te ka lo ti \hin. Heti em ema rethei bangberha an la awm hi tu mawh nge? Remna tipuitlingtute an ni si a.
Taitea, AZ N
————-

Vangchhe rama mihring sulhnu hlui hmuh hi kan pi leh pu Mizote sulhnu a ni thei chiah ang em le? Kan Mizo History han chhiar hi chuan hetiang tihna hun a va lang lo em!
Thlirtu
————-

Court case nei chunga la daw zuah zuah pahnih ai hi chuan ram siam \hat duh vanga IPS hna meuh bansantu hian ram hruai hna chu a tlin zawk fe-in ka ring.
8794273201
—————

Dt 8.8.2018 nia Kolasib Block Congress Committee-in block conference an hmannaah ka tel ve a, bialtu MLA thusawi ka ngaithla ve a, Mizoram hmasawnna tur leh Mizo fate hmasawnna tur engmah zu han sawi miah lova. Mizoram Congress President, Pu Lal Thanhawla khuallian lahin thu fahrah tete bak sawi tur a hre bik lo. Ram hmasawnna tura an \hankin tawh zia an tilang chiang hle a ni.
Sawmhlua pa, KLB
————

DARTHLALANG. Teheran khawpuia lal in ropuiah chuan khawvela mosaic hmanga in cheimawi zawng zawng zinga mawi ber ni hiala an sawi chu i hmu ang. A ceiling te chu lunghlu tam taka cheimawi ang mai hian a tle sep sep a ni. A tira duan dan chuan a bang leh a ceiling chu darthlalang chhah leh hlai taka phah chhuah tum a ni a. Mahse, Paris a\anga an darthlalang chah chu a keh palh ta tlat mai a. Contractor chuan darthlalang keh chu paihin a pawi tih thu chu Architech hnenah a hrilh a. Architech chuan darthlalang keh themte chu a lakkhawm tir leh vek a, chung darthlalang keh themte chu uluk tak leh awmze nei takin mosaic karah chuan a zep ta zawk a. Tichuan, tunlai hun thlenga mite tlawh leh mak ti taka sawi huai tling khawpa darthlalang design mawiah a lo chang ta daih mai a ni. KAN KEH DARH VEK HMA CHUAN KAN MAWINA A LANG CHHUAK ZO LO FO A NI.
RENTHLEI CABIN
—————

Kum sawm ve ve min lo hruai tawhtute sawisel ringawt lo hian sawisel hrep hnute hi dah bo ila, mi thar thlan mai hi a finthlak berin a lang lo’m ni?
LALTUAIA
————-

Pawl pasarih inzawmkhawm ZPM hi an \han a \hu nghal der mai hi an lainatawm ka ti tawp. MNF ho hian beih tham loh inbei a nia.
Lalrinfela
————-