Fakselna 9th December 2017

0
683
views

Sawrkar hnathawk 7th pay hman avanga mi retheiten tuar tur anga kan ngai hi chu a dik lo. Sawrkar hnathawk hlawh a tam poh leh sum tual leng a tam a, a hlawh neitute chauh hian an hlawkpui lova, sumdawng, dawrkai, nepnawi zuar, inhlawhfa, chawhmeh zuar thlengin sawrkar hnathawkin hlawh an lak theih loh chuan kan buai a, chuvangin sawrkar hnathawk hlawh hi mi tinin kan ei bel ber zawk a ni tih kan hriata, an hlawh a tam poh leh sum leng vel a tam tih hi hriat ve a ngai. Ram hmasawnna tura hnathawhna sum contractor leh supplier te hnena thleng hi chu phai vai hnenah leh bank-ah bak a thleng mang lo, mipuiin kan hmu ve phak lo. Sawrkar hnathawkte hlawh hi mipui innghahna ber zawk a lo ni.
Pa Mawitea
————–

Zu zawrh leh kawng chhia sawi apiangin Congress sorkar kan hre chhuak ziah tawh mai dawn a nih hi. A pawi hle mai.
8974771496
—————-

Sawrkar hnathawk hlawh punna tur 7th Pay chu a tlangpui thuin kan helh hlawm hle niin a lang. A helh ho hi sawrkar hnathawk ni lo, pawn lam a\anga rawn thlirtute an ni tlangpui bawk. Hlawh pun sawiseltute hi sawrkar hnathawk inrelbawl dan hre tam lo an ni ti ila a sual tam lovang. Sawrkar hnathawkte hi a ruaitu sawrkarin dan fel taka awm thlapa ruai an ni a. Hlawhbi inthlak tih pawh hi kum 10 danah a ni tlangpui a, State \henkhat chuan anmahni Pay Commission an nei thung. Mizoram chuan a hnathawkte hi Central pay kalphung zelin a la kalpui. Central pay aia an san lam chu thuhran ni ta se. Hlawhbi siam\hat hun a lo thlen hian anmahni nawr tur pawh a ni lova, sawrkarin a tih tur liau liau zawk a ni. Dan kalphung anga neih a ni zawk. Pawnlam a\anga thil hre zik tluak si lova, a pawnga puia a la hun lo lo tih ve chiam hi a fuh ber lo mai thei a ni. Sum awm leh awm loh lam chu thu hran ni se, a hun a lo thlen chuan a mawhphurtu pa berin a ngaihtuah mai zawk ang.
Lalduha
———-

Lal Thanhawla leh Zoramthanga te hi chu an Old Model tawh em mai, sum sem tama mipui thlemthluk bak hmachhuan an nei tawh lo. Rahbi thar chuangkai turin mi fel leh thiam tak tak intelkhawmna ZPM ngei hi \ha ber tur chu a ni ang.
Zorama Pu, Klb
—————

Kan sawrkar hunah chuan, “Ka vei zawng” hi a awm tawh lovang, mipui sawrkar tur a ni a, mipui duhdanin kan kal dawn si a, sawrkar tûr chu ZPM a ni e.
Fakselna ngainatu
————-

A tirah kha chuan NLUP hi a hmang dik lote hremna thleng khan ruahmanna siam kha a ni si a, kan CM-in ‘an hman dan kan hriatpui vek lo’ te a ti vel ta mai mai hi chu ram hmasawnna ni lo, vote zawn nan chauha sem a ni tih a chiang ta hle mai. A sen chi lei nan sum tam tak phai lamah a liam thla bawk si a, State dangin 7th pay an hman laiin keini zawng mawhpuh loh tur hi kan inmawhpuh ta sup sup mai ni berin a lang. An VIP pawh kan pung zel e, sum tlemte pawha lei tur kan tam ta hle mai.
Tlabung Uitang rual
——————–

Advertisement engmah awm lo, hotu tu-in emaw MR/Contract-a lak, a hnua an lo nghet ve leh ringawt \hin hi chu hna zawng laite pawisak lohna leh eirukna hial tling a ni a, thil dik lo tak a ni. Sawrkar leh Deptt. tan a hlawkna pawh awm thei anga, amaherawhchu, open advertisement awm miah lova an lo regular ve leh mai \hin hi chu thil dik a ni lo. Tun hnu zelah chuan an regular theihna tur post leh sum a awm a nih chuan khua leh tui nihna nei hna zawnglaiten an chuh ve theihna turin Advertisement leh Open Competition through ni zel tawh rawh se. Sawrkar hna quality control na tur pawh a ni.
ADVISER
——————

Tuna kan Chief Minister, Lal Thanhawla Congress Party ni bawk hian Congress sorkarah sorkar nihna a ziaawm a ti a, amah kan CM ngei hian ama mi leh sate dinhmun leh an rilru put hmang hi a lo la hre chiang ve lo hle a ni maw? Tun dinhmunah hi chuan a mak tak hle mai a, tiin sofa set dup taka \hu-in a kut zungtang thliakin enna ngai enin a la inngaihtuah ve ngei ang. An NLUP sem avanga tling leh sorkar kha a ni a, mahse heng NLUP a pekte hian lungawi an tum tawh lo phuba lak nan an hman a rinawm ta hle a ni. “A chhan chu” NLUP sem hmabak chan leh loh hlauhna nei tur ang ziazanga installment a min han pe hi inthlan leh lo awm tur a tana party ham\hatna atan a a lo ruahman vang mai mai a lo nih hi. Mipuiten bum nawn thiang tawh lovah an ngai a, chuvang chuan min kaihhruainaah leh min sawngbawl tawhnaah kan lung a awi tawk e. Dawn hmabak pawh min la pe zel rawh se tiin thin nel tak chungin NLUP chu an lo la nghak fan fan a nih hlawm tak hi!
MS Chhakchhuak, Aizawl pa
———————

7th Pay an hman chuan sawrkar hnathawk chhiah chawi hi pung ve sela, kum khata profession tax hi an hlawh pun ang chiahin kum khatah Rs. 2,500/- ni tawh lovin an hlawh tam dan a zirin pung se a va \ha mai awm ve. Sawrkar hnathawk hlawhah kan budget a zo dawn. Tax tihsan a \ha ang.
7085845905
————-

Sorkar smart nei ila chuan Casual Leave (CL) record mumal tak a awm ang a. Tuna ni thum nuar zingah hian CL hman loh ni thum nei tawh lo an tel ngei ngei ang a. Anni hian an CL neih loh pui an hmang thei lo. Tichuan, an duty an tih loh chuan hremna pek theih a ni. Hremna na ber phei chu ‘service break’ daih asin. Chutiang chuan vau sela tute mah an nuar ngam lovang.

Ram tana \ang fan fana

————

Mahni hma khaw ngaia sorkar hnathawk nuar ho hian mipui sorkar hnathawk ve phak lo, an dinhmun it ve ngawih ngawihtute hi min zah lo hle mai. Chanchintharah pawh hian puang puang teh suh u. Kei chu Chanchinthar en pawh hi ka peih loh phah tawh.
7005228608
——————–

Tunlai chu kan veng Kawnpui lamah ZONET hian signal a hmu \ha hleih thei lova, Fakselna pawh kan ngaithla thei mang tawh lo, a khawhar thlak hle mai. Hunpui kan thlen tak tak hma hian a hotu lam khan min ngaihtuahsak thei se kan va lawm dawn tak em.
ZONET ngaisangtu
No. thup
—————