Fakselna 9th February, 2018

0
734
views

Police lak reng rengah Police pension fate duhsakna reng reng an nei lo.
9862385339
————-

Khawbung leilet tui kawng sawrkarin a zat ve min khawih sak tawh hi kumin thal lai law law hian min thawh zawh sak turin Fakselna kaltlangin kan ngen a. Min thawhsak tawh chinah sawrkar chungah lawmthu kan sawi e.
9862571497
—————

Mizorama rorelna chang tawh party 2 – MNF leh Congress te chuti taka lal leh chak te chuan an hun chhungin theih tawp chhuahin bihchian dawl takin hma la sela, mipuiin campaign ngai miah lovin an peih chhung chu kan lal tir mai tur a nia. Lal duh si, belhchian dawl taka hnathawk duh mang si lovin party mi lo chuan kan hmu si a nih hi maw le.
RK Sanga
————–

ZONET Fakselnaa ram hmasawn pui thei tur anga insawi, ZPM te hian enge chak taka hma an sawn theihna chhan tur ni ta ang le? ZNP, ZEM, PC te leh a dangte lah hian an party chhuahsan duh mang si lova ZPM-a mipui huikhawm an tum leh lawi site hi a makin CM tur lah chiang bawk si lo nen nge, vuivai an awm palha an thawhhona chhiat vek an hlau zawk? Heti ringawta ram hmangaih leh hmasawn thei tur anga insawi chu a risky deuh lo maw? Ram hmasawn nan chuan hruaitu an awm a ngai tlat sia, mi sawichhiat vak vak ringawt leh huau huau ang zawnga tih chi pawh a ni lo.
Tlabung Uitangrual
—————-

Kan ram, kan hnam, kan khawtlang leh mipuite, hmangaih taka enkawl theitu tur sorkar tha kan va mamawh tak em! Sorkar thei tak party lian inti, Congress leh MNF te lah hi party mal sorkar din hi an tum lian ber, mipui hmangaihna ai chuan mahni Party mal hamthatna leh a lo phuisui zel hi an dream lian ber a ni si a, an ni pahnih Congress leh MNF lah ui leh kel “thlunpawlh” inngeihna leh inkawmngeihna reng reng nei lo, Zawlbuka e tang ve ve leh belmang kai tawh ve ve an ni bawk. Pu Hawla ngat phei chuan hmanah khan mipuite hi uitangrual min ti a nih kha. Hetiang khawpa mipui thlan tlin ni siina uitangrual tia min au khumte kha kan thinlungah ser nung reh thei tawh lo ang maiin a reh thei tawh bik dawn em ni? Chuvang chuan kan ram hi chhan tlak a la awm a, chumi chhan tur chuan Congress leh MNF-te hi chu an hlawhchham sa a ni bawk si. Engpawh nise, party “VIRGIN” tihsual la nei lo ZPM an la awm e.
AIZAWL PA
————–

Cable TV News timing-a programme dang lo chhuak tlat thin hi chu a hrilhaithlak ka ti thin. Tih fo loh theih ni se.
LKK-a
—————

Kan thenawm ram, Burma atanga lo lut, duhsak taka kan dawnsawn, chaw leh saa kan hraite’n DRUG leh ruih theih thil chi tinreng hmangin min hrai let si hi chu rilru a na thin ngei mai. YMA-te hian engtin nge kan ngaih le? SORKAR-in ZU a zuar a, kan dang thei si lo kan ti nge? RUIH nana hman theih zawng zawng kan DO ang kan ti dawn? Sawrkar lai Party leh sorkar hnathawk te u, inthinlai a dam bik em ni?
ROGER L HLONSHING
————–

Luang chhuak / biang biakna programme-a Reverend meuhin sakawlh awmzia a sawifiah dan chu leh! A buk thelhin a thelh a ni. Sakawlh awmzia Bible-in min hrilh dan hi a ngaihna a hre ngang lo a nih kha. A kawmtu lahin fiahfai tha a ti viau bawk a. A chhe lam kawng a phei, a tha lam kawng a chho tih ang mai. A dik lo zawk pawh ni se, a nuam lam hi kan awih dual dual mai zawng a ni e. Reverend an nih vang ngawtin he thu hi an hrefiah der si lova. Bible chhiar thiam chuan Reverend-a sawi ang hian Daniel-a bute, Thupuan bu leh kan Lal Isua tawngkam ngei lanna chanchin tha bu 4-te atang hian thinlung inhawngin lo zir ngun ve zawk teh u. Rawn pe nawn tlut tlut se, uluk takin lo ngaithla zel u la, Bible-in min hrilh hriat a tum, a hrilhfiah thelh nasatzia chu inchiang telh telh mai ang.
9856887138
————–

MNF tantu tam tak hian an pute hunlai kha an theihnghilh ta em ni? Tuirial HEP, Falkawn Referral Hospital thuanawp dan leh ek-in kal thei, mawza manto, night vision leh kel pal a dang a la tam. Theihnghilh chiah ka ngai lo. Hriatreng tlak ni lo mahse theihnghilh a har ka ti.
VL Ruata
—————-

Hel awm lohna State ralmuang nih hi nuam hle mahse that lohna a awm tlat. Tuikuk, Chakma-te an pung chakin an huangtau em mai. Rambuai lai khan Vaiho pawh an ti dak mai asin. Tunah zawng Takam leh kam lo pawh an huangtau ta a nih hi.
Duata pu
—————

Fakselna hi tha ka ti a, ngaihthlakte hi a nuam khawp mai.
LIA VENA
—————

Tunah chuan engkim a danglam tawh! Hmana, “tlemte chunga rinawm lo chu tam tak chungah pawh a rinawm lo” tih thin kha tunah chuan, “tam tak chunga rinawm lo chu tlemte chungah pawh a rinawm lo” tih a lo ngai ta. Kristian kha a sual berah a tang ta a. Ring lo-tu kha sual dotu berah a tang ta! India ram, Hindu sakhua-na ramah hian, za-a za inti ngam State pakhat a awm a, amaherawhchu, eirukna-ah a langsar lawi si. Pathianin a a huat ber, uire-na lamah lah a nasa-in, HIV tamna ber State a ni nghe nghe-in ka hria. Pawn lam lan danah a buai, chhungrilah a kha em em lawi si. I lo nghak zel phawt ang, enge a an zel dawn!!
8413030623
—————

ZONET en tihrehawmtu ber chu News puan laia fakna an zep ziah hi a ni.
9436365342
—————

Pu Lal Thanhawla kaihhruai Congress sawrkar chuan Tuirial HEP, Falkawn Referral Hospital MNF sawrkarin a puitlin zawh loh te chu Congress sawrkarin Zoram mipui tam hman tlakin a peihfel leh ta ut mai. Thu mai ni lo, a taka hna thawktu Pu Lal Thanhawla kaihhruai Congress hi a lo tha ber mai e. An party zawmtu lah an pung tual tual bawk si, an sawrkar leh ngei dawn si a, tel ve loh kei zawng ka hlau a nia.
Matthewa pu
————–

Zoram mipuite hian kumin MLA inthlan lo awm tur chu Tlumtea thlirin kan thlir a ni ber e. Enge a chhan ni ta ang? Kan ram hian mi thar an ni emaw, mihring ngai an ni emaw, ram roreltu thar mipuite tana inpe, hmasawnna tura a ngaihna hria, mahni laina leh chhungte ringawt vur mi ni lo, mi rethei, hmeithai, pachhia ngaihsaka Pathian tih mia thlangtu, mipui zaha dik taka roreltu, eiruk hmang lo kan beiseiin kan duh a, kan mamawh ta ni berin a lang. Kan ram hi kan rethei rei tawh em mai. Mipuite pawn kan hamthatna ringawt ni lo, kan ram tana mi tha tur i VOTE theuh ang u. Party boruak ruihchilh a hun tawh lo, i harh chhuak mawlh teh ang u. Candidate nih tuma inpek tumte pawh ka ngen a che u, i hausaa sum i ngah avang mai leh chhungkhat laina i ngaha, lehkhathiam i nih avang ngawt khan ram tana mi tha i ni lo. Inbihchiang hram la, ram tana rawngbawl ngam i nih rau rau chuan dik tak leh huaisen takin ding ang che. Kan Zoram hi rawk tlak a ni tawh lova, chhanchhuaha tihdam a ngai a ni.
Chhim Pa
9612573684
—————

Hman kum lawka chiahpuam inbumna turu tak kha mi tam tak tahna thlentu a ni a. Thenkhatin an hausak phah thut a, thenkhat kumkhaw chhiat hlenna a ni bawk. Kan sorkar lah hian chinfel a tum lo emaw ni? Mi ramah pawh hetiang Bank lem leh inbumna hi kan lo hre fo tawh thin a, mahse sorkarin a chinfel sak thin a, thil tisualte pawh a man thin. An pawisa man khawl zozaite kha khawiah nge an ei zo ta mai mai em ni? Building leh LSC an man te kha thuneituten an insem zo ta mai em ni? Bazar Bungkawnah leh Bawngkawn lamah pawh chiahpuam building hi a awm nuala hriat a ni a, heng a luahtute hian a thlawnin an luah ta mai em ni tih te hi hriat a va chakawm ve. Vaibelchhe tam takte nen a riral mai mai loh nan kan sorkar hian inthlan hma ngei hian chinfel dan ngaihtuah teh se. Awmzia neia chinfel theih chiah a nih loh pawhin a theih chin chinah sorkar hian kawng zawng se a tha ngawt mai.
Chiahpuam Depositor-A
9862566388
————-