Fakselna 9th January, 2020

0
503
views

Sorkar thu chhuak thar ‘Mimal hospital leh civil hospital blood bank a\anga thisen la tur te chuan thisen an lakchhuah dawn reng rengin Hospital & Medical Education Director phalna lak zel a ngai tawh ang’ tih hi thisen mamawhtu damlo tan harsatna namenlo, damchhuah beiseiawm tan pawh thihna tawh theihna thil a nih rualin, H&M Edn. Director hian mutmu tuahna hun pawh mumalin a nei thei dawn lo tihna a nia, a hna hi a huphurhawm hle dawn a ni. Damlo thisen mamawh hun hi bituk theih a ni silo va. Chuvangin sorkar hian thisen pek chhuah dan hi kalphung pangngai khan kaltir leh thei se a \ha berin a lang. Hetianga sorkarin tihdan thar a siam chhan hi an duhdan zawm thei lo Pvt. Hospital-te hrem an duh vang nia a lan rualin a tuar nasa ber tur chu thisen mamawhtu damlo te an ni dawn a, a sign-tu tur Director hi a ni tel bawk. Mihring tumahin an tlin hauh loh tur chhun/zana, a \ul hun apianga thisen pek chhuah phalna hi a sign loh chuan mi zawng zawng, sorkar thuneitu tiamin an chuk rawn luai luai anga, chilhlum hial an duh hun a la thleng ngei dawnin a lang. Chuvangin sorkar hian an thu zawm thei lo leh an zawm theih loh chhan Pvt. Hospital te harsatna hi hriat thiampuiin an theih dan tawk hi zawm sak thei se, Mizo mipui tan thil ropui leh hlu tak an tihna kawng khat a nih zawk hmel a ni. Kohhran Damdawi in \henkhat phei chuan kum 10 hma lam, MNF term hmasa hun lai a mi te kha nuai za enge maw zat hmuh loh an la neiin an sawi a, hetiang a nih chuan mimal damdawi in tan phei chuan tlin chi hlawl a ni dawn lo a ni. Chutih laia \hiante thurualpui lo zawnga Pvt damdawi in \henkhat an han awm vel hi chu kei chuan committee mawngpawp leh chhungkaw mawngpawp thlentirtu, mi rilru verther lutuk pute ang thoin ka ten zawng tak zu nia. Chuvangin ram nu leh pa an nih manah kan ram roreltute hian thisen pek chhuah chungchangah hian mipuite tan a hmaa kal dan kha zawm leh thei hram se a va lawmawm dawn em ka ti a ni!
Ramveitu

9089667399

Aizawl Civil Hospital ka kal apiangin hospital ram veng pakhat tana an pek hi ka ui zual \hin. Damdawiin hi tilian deuh ila, khum 200 emaw tal len belh se. Tin, doctor quarters awm belh bawk se. Hmanhmawh leh rikrum thil a lo thlen palhah pawh nasa takin kan ziaawm phah dawn a. Hengte avang hian Aizawl Civil Hospital ram veng mal kuta sorkarin a pe ta mai hi ka ui ngawih ngawih a ni e.

8837489511

Tunlai khawvel boruak USA leh Iran buai boruak sanlai takin keini India ram chhungah ngei pawh CAA-in India ram state tin mai leh zirlai mipui zawng zawngte min tibuaia, keini Mizoram zimteah pawh CAA vang bawkin kan buai ve reng bawka, a buaithlak teh zawng a ni e. Chutih laiin zu zawrh duh lo party MNF party ngei pawh khan tunah zet chuan Central-a an pu chuamte zu vaw dup a, an sum leh pai an hmansak thei bawk si loh avangin tunah chuan zu zawrhah tho bul an \an veleh dawn tak hi. Kan sorkar hrawn tawhho hi zawng a ngaihna hre lo sorkar kan hrawn a, ram leh mipui changkan zawng a har dawn chu a nih hi. I lo thlir zel phawt mai ang u, beidawn thlaktak a ni.

9612226314

Zoram chhim thlang ramri hrula Mizo khua zawng zawng deuhthaw Chakmate’n an luah fai deuh vek tawha an pun chak ziate pawh kan hre vek si a, heti chung pawha Central a CAB leh CAA-ah ringawt an buai mai hi chu politics vang mai mai a ni tih a chiang. Pu Rosanga hian Mizamin a CAA hmang ve lo turin hma la lo se an pass tho dawn si a CAA hmang ta i la, Chengkawl angin a ngawireng an ti leh anga. CAB duh lo, ram hmangaih tak tak inti te hi sorkar hian hlawh neiin henglai ramri hrula awmtur hian rawn ti ta ang sela, Phung velh an sawi ang mai hian an bo duak mai lovang maw? Sokar hi fing deuh teh se.
Tlabung Uitangrual

9862014844

Pu C Lalrosanga te putu chu le Mizoram zirna in sang bera zirlaite dawtin an bum vel a nih kha CAB chungchangah. Lei dawthei hi kan Pathian hian a lawm zawng a nih kan ring em le? Dawta mahni mipuite buma Pathian leh kan ram tan tihfo mai hi Pu Rama leh a pawlte kam chhunga awmsa ve reng a lo nih dawn hi. Mahni fa dawt hrilh fotu chu eng ang pa tak niang maw?
Hluhlui Ralte, Thingdawl

8730841016

Kan State sorkar MNF chuan, zu zawrh leh tumin pass leh pass loh chauh maw an nghah le? He zu zawrh phalna hi an pass leh a nih chuan zu leh mihring nunna kan in thleng leh heuh heuh dawn a ni ber mai a, a state neitu Mizoram National Front inti te tih atana mawi lo mai ni lovin, thil inhmehlo tak zet chu a ni ngei ang. I lo thlir zel chhin teh ang u. Kan ram leh mipui hmangaihtu dik tak party hi rawn inlar ve tawhse kan va ti ve, a va pawimawh tawh tak em. Anni, party lian inti Congress leh MNF te, lo sorkar tawhte pahnih ni lo, party dang te han \ang deuh teh u. Kan lo support \hap ang che u.
NEWTRAL GRUPE, AIZAWL

9862384183

PMAY hnuai a mirethei in sak \anpuina la dawng lo, mi in luah a khawsa tam tak an la awm. BJP hruaitute hian uluk takin thingtlangah kal chilhin ngaihven te u. In party tan hmasawnna a ni ngei ang.

9862385339

Kan sorkar chu BJP a zawmin, a thurualpui an ti a nih si chuan Mizorama BJP nen hian thawk dunin, inthurual law law se.
Nghaka, Serchhip

98621 30116

Kum khat chuang an lal ta a, an thil tih \hat han sawi fak tur ka hre mang tlat lo. Aizawla \halaite tan chuan intihhlimna tlem azawng chu an siam awm e. Sorkar hna sem vak vak te, lem taka zu khap te, Delhi lama kutdawh tura zuk kal chhen te lah kan tan hlawkna awm hek lo. Ei rawngbawlna gas ni se agent ten black a zuarte hnenah an hralh zo nge ni? chan alawi kan neih loh vangin private distributor a mi hman ngai tlat te, kar tin Nilaini apianga nilenga ka motor hman theih loh te, tui sem mumal lo te hi sorkar thawh hahah chhiar an har.
Ramliana

94361 97357

Kan hma maia Assembly General Election nei tur Delhi-ah chuan an CM ni mek leh rorel lai AAP hotupa, Arvind Kejriwal chuan Mipui hma a a campaign au hlaah “Kan hnathawhah khan in lungawi lo a nih chuan minthlang duh tawh suh u” tiin a sawi hmiah mai. Chu mai ni lovin, “Vote in thlak hunah an hnathawh nena en milin thlak angche u” tiin confi. tak mai leh tlak pawh huamin a la sawi zui a nih chu!
Keini ram hruaitu nuai 1, nuaih 3 sem tihvel a mipuite min vehthlem kuala, rethei taka min siamtute kum 30 chuang sorkarna kan pek tawh te nen hi chuan inang lo tak an nih hmel a ni. Mahse duhtak a, \awng\aina nen ti meuha kan thlan lal \hinte an ni miau si a lawm le. Ngeni a, Zofa te hi kan nep hrim hrim a, thil hi nguntakin kan chhut peih lo a, hetiang mi hi kan thlang tling leh mai \hin zawk.
Jonathana Pu

93666 30785

Tun hma a\ang tawh khan miharsa leh rethei ten zu an zuar \hina, zu duh loh vangin an inte pawh a kang duai duai a nih kha. Kan sorkar hmasain zu a zawrh avangin kohhran leh Zoram mipuite thinlung chu meipui sa tak chuan a kang ta duai duai mai a, \helh mih rual lohin, chuan sorkar thar a lo pianga, a vawtuin ek a cheh tih ang maiin. Tunah, Mizoram chhungah zu siamna Factory maw ni dawn? Kan ropui lem lo e. Kei chu zu hi ka do peih lo ve.
Congress pa

98620 81109

Total Prohibition Act chu a total hleithei ta bik lo a ni maw? Inthlan dawn hnaihah cheng nuai thum hmangin min tih lungàwi leh mai an tum dawn nifahmiang.
Puipuii Pa

84140 29478

Mizo ka nihna leh Kristian ka nihna avangin CAB thlawptu, M N F a\angin ka bang e.
Aizawl pa

98628 98731