Fakselna 9th March, 2018

0
620
views

Mizote i harh ang u. Kan hnam hian chhantu sorkar a nei loh hi. Tuna sorkar hi zawng kan Chief Minister hlui Pu Ch. Chhunga ram pawh hum ngam lo hian Mizoram sorkar pawh inti tawh suh se.
8414095109
————-

MZP emaw, zirlai hruaitute hrim hrim hi Politics khel vek an ni tih hi tlang hriat a ni a. Tuna Zophai thil thleng hi a boruak a len zawh poh leh MZP hruaitute chu an langsar larh ang a, an politics khelh kal zelna tur a tan kawngro thui tak a su dawn a ni. MZP political game a hlawhtling mek e.
9862672589
————–

Kan zirlaite chuan kan ramchin humhalh nana tha an thawh laiin kut an tawrh phah hial a. He ramah hian an thlavang hauhsak vetu tur an nei lova maw? A va na ve le. Khawnge he ram leh hnam hi ka hmangaih tia hrawk awr phiar pawra iak iak \hin ho kha an awm zawh tak? Tun hi a ni dawn lo’m ni RAM leh HNAM an lo hmangaih \hin zia tih lana thawh chhuah hun chu? Nge ni he sorkar ropui tak leh a Police rualte hi Assam Police ho hlauvin UICHO dawih zawk, MEI KHUP ang mai lekin an tawlh leh hun hun mai dawn? Mahni tualchhunga huaisen zeta mahni hnampuite laka ri pung pung \hin te kha chu le… ram chhan a \ul e. |henawm hnam dangin ZORAM hi pawh \hen an tum e. Mi huaisen hnam hmangaihtu dik takte chu RAMIN A AU VE.
Bawiha pu
————–

Kan pute ho chu HPC te nen rem thu in sawi thei a, a lawmawm hle mai. Assam nen hian dawhkan kila sawiho leh a va \ha ve. Hmar lam vote ringawtin sorkarna a siam theih dawn si lova, rambuai chinfel loh hian eng angin nge mipuiah nghawng a neih zel dawn pawh a hriat si loh. Kan Home Minister thluak \ha leh huaisen tak hian ngun takin han ngaihtuah leh teh se.
Dindini pu
————–

Kan ram hruaitute ho hi \awng chhuahna awm takah pawh an ngawi tlat a, an ham\hatna turah chuan \awng thei zet zut hlawm tak an ni a, tun \um MZP chawlhbuk sak chungchangah pawh hian an dang a awk leh pek ang chu! Chhantu baihvai aw kan ZORAM tih hla hi a lo dik ngei mai! Ram leh hnam humhalh tih kuma puangtu YMA te pawh hian nasa takin sorkar hi nawr rawh se. Kut tum ringawtin ral a beih chi tawh lova, awm hmuna kan Mizopuite laka huaisen pui pui Police-te kha rawn pen chhuak ru le. Zoram mipuiin kan au a che u.
SANGA
————–

Cancer \anpuina Central a\anga lo kal hi Congress party tan chauh a tih em ni le?
9862322234
————-

Hnam humhalhna kawnga kawng danga min pen tir zeltu pakhat chu hnam dang \awng zawk kan tarchhuak tam lutuk hi a ni. Sakhuana thilah hnam dang hming leh nihna kan input tir a, chhandam nan a \ul lo, hnamdang hming chawisanga tihlarna mai a ni. Tuna kut thar lo piang pawh a Mizo hminga ziah a ni leh chuang lo. Hetiang Mizo \awnga kan neih ve reng hnam dang \awng kan ngaisang zawk dawn a nih chuan \hangtharte hian hnam dang thil ngaisang zawk zel mahse kan dem thei lo ang.
LH Pachuau
————–

Bairabi-a MJA Member, Assam Police kut tuarte chu MJA Gen. Hqrs Hruaitu, English thiamten Delhi lama All India Journalist hruaitute zuk hrilh sela. Helaia phai lam chanchinbu Correspondent awm te pawhin zuk hrilh hlawm se la.
Lalzabiaka, Chanmari
—————-

Ram humhalh hna hi sorkar chakna hmanga thawh tur a ni. Nimin lama MZP thiltih kha a chhuanawm hle rualin ralthuam nei leh nei lo indona a ni a, a tih chi loh. Naga chu ram chhan kawngah sorkar leh mipui hruikhat vuanin an kal. Keini chu kan sorkar ber hian a hlau ni berin ka hria, ram ri, ramchhan kawngah kam khat mah a la chhak chhuak lo. Ram chhan ngam hruaitu kan neih hunah mipui inrawlh a tawk chauh vang. MNF leh Congress hi ka rin ai daihin ramri chungchangah an dawi a, pawi ka ti hnam tan a tlawm thlak.
RK Sanga
————–

Mizoram tinuam leh tihming\ha tura mawhphurtu lian ber berte chu Mizoram Chief Minister-te, Minister-te leh MLA-te hi an ni zawk lo maw? Ram hruaitu \ha chuan mahni hma a sial lova, khua leh tuite tan kawng engkimah ram nuam a siam mai \hin a ni zawk.
Zopa
————–

Mizoramah hian Politician dawtsawi hmang chu MLA-ah hian ding tawh lo hram rawh se. Kan ram hian a mamawh tawh lo, Zoram thar siam turin inbuatsaih \heuh ang u. Zoram tluanah Isua Krista lo lal ber rawh se.
Tlabung aw
————–

Zan hmasa lama Zorinsanga rawn faktu khan zaithiam dik tak a hre kher mai. Mizote hian hetianga zaithiam kan neih hi a va inchhuan thlak tak em.
Tluangtluangi
————-

Bairabi-a CM hlui Pu Ch.Chhunga leilet MZP-in an humhalh mek laia kan sorkar hruaitute a ngawi tlat mai hi chu a zahthlak takzet a ni. Tun hma CM hlui meuh leilet chu Mizoram a ni tih a chiang reng si a, chumi pawh humhalh duh lo khawpa ram hmangaih lo tute hi a awm theih chuang dawn em ni? Heti khawpin Cachar District hian Mizoram hi min nek zim tawh a, Vairengte pawh kan chan \ep tawh a ni a, chuti chung chuan an la ngawi renga, lalna leh thuneihna chauh ngaihtuahin ram himna tur pawh hre pha tawh lovin hma an la ta a ni ber mai a, Mizo mipuite hi kan va khawngaihthlak em. Mi dik leh huaisen, ram leh hnam humhalh ngam ram hruaitu kan va mamawh tak em. Ram chhungah lal em emin an khawsa a, chhungkaw pa berin kan ramri chin a humhalh lova, a venhim loh chuan nunau tan chuan chet ngaihna a awm si lo. Party dah \haa \anrual a hun tawh tehlul nen, kan lal theihna tur a nih phawt chuan kan ram chu lo zim ta mahse pawi kan ti lo tih a chiang hle mai. Hetiang ram hruaitute hi ram hmangaih lotu dik tak an ni e. Zirlaite leh \halai zawng zawngte u zam suh u, ram leh hnam tan theih tawp chhuah ula, in hnungah mipui tam tak kan ding nghet tlat e.
Zoramhmangaiha
————

Miss Mizoram lawmman tangka hi a lo van beitham ngai ve le!! Sponsor neuh neuh leh mi hausa han tih ve theih/tham Mizopa kan awm ve nual tawh hi mawle.
8414883986
————–

J. Thankima College ram chhunga mimal rama in luah lai suasam chhiat vek hi 1971 vela Chaltlang VC pek nia sawi a niin, kum 2010 hnulama pek nia sawi College hian thiam a chang dawn a nih chuan kum 1986-a LSC nei 1972 kuma VC pek chang chawia 2004 kuma LSC ve chauh aia kum 1986 ami daih min cancel sak a, 2004 kuma LSC nei ve chauh Revenue Deptt-in thiam a chantir zawk si hi a dik bik lovang. Section limitation act 1963-ah chuan ram inthuah thu hi kum 12 chhunga complaint hman tur a ni a, min complaint tute hian kum 28 hnuah an complaint a, chuti chung chuan thiam an chang zawk tho a. Dikna-in kan ramah hmun a chang lova, Revenue Deptt. hi kan ram chawk buaitu Deptt. an ni. Ram an pek thuah cancel sak leh si hi mi za tel fe an nei. Zak sela insiam \ha rawh se.
9856887138
————-