Faknaa tuai an rawn hmang fo mai hi ka ning tawh. Chubakah patil ho hian an thik dawn tlat. Chuvangin a inchhawkin rawn tih tir tawh rawh u. Patil ho hi ka khawngaih deuh a nia, mi anglo ve ve-ah duhsak bik neih a \ha ngai lo e. |awng nem duai hriat ai chuan \awng thum chhur hriat chu a pa deuh a lawm.
Sangsangi Thlanmual veng nula
8730841016
Ka rilrua awm \hin chu tunlai kan ‘Mizo mipa celebrities (a bikin zaithiam leh beautician) ho \awng nem di diai, inhnawihpaw phêt phêt leh tuai deuh hlui ni deuh ta vek mai hi a ni. Tlema han \awng nêm deuh hi awphawi a in an loh avangin ngaih khatah pawh han ngai ila, an ban han vai te, an hmui an han hup te lehzel hmeichhe tihdan a ni ta hi hmuh hrehawm ka va ti \hin em! Mizo mipa hi tuai deuh hlui kher lo hian a fel theih asin!
Puia
9862948435
ACBOA (City Bus) hotute hian an Bus enkawltu, a bikin Conductor te hi Mizo tlawmngaihna leh awmdan mawi, hawihhawmna zirtir \hin se a \ha ngawt ang. Naupang te te aia upa zahna nei lo, an passenger-te zah pahna nei miah lova treat a awm theih dawn tlat.
8837489511
Sorkarah hian a bik takin Minister chin hi chu mipuite hian kan beisei loh theih loh chu thudik leh rintlak in sawi hi a ni. Minister-in a sawi kan tih chin hi chu thu tak ni zel rawh se. CM chin ngat phei chu belhchian dawl lo leh rintlak loh hi chhakchhuak hauh suh u. Tun hmaa in awka chhuak ngei mai han ngaihthlak leh te hian nuihzatthlak a tam lutuk. Dawt sawi mai mai ram hruaitu khawi ram mahin a mamawh lo a ni. Pute u dawt a sawi leh ta, a sawi leh tur pawh dawt bawk an tih theih tur lakah hian fihlim rawh u.
RK Sanga
9862366590
Fakselnaa Uitangni ve lova khan Pu Laldenga leh MNF te hi a hrang daih angin i sawi a, Policy hrang nei party dang danga zuanglawr, party hming pawh a hman hmanin a an phuah dang zung zung ang mai mai kha MNF hi a ni ve lo va, “Leilung pian hma-in ka vai e parte” an tih ang deuh khan hman a\anga tun thlenga MNF reng, a policy leh Pu Laldenga policy pawh a ngai reng, economy lamah erawh khawvel changkanna mil zela her rem a ngai tih loh chu a kalphung pawh kan tithar ve zut lem lo. Chutihlaia MNF founder Pu Denga lak hran i tum hi chu a thlukah i buai mai mai niin a lang, lo thlirzau deuh teh.
Tlabung Uitangrual
9862014844
Dan pawimawhna ka rawn sawi nual tawh a, mahse tunah chuan hriat duh ka nei ve thung. Police, Excise leh sorkar tih loh hian an mi man te pawisa leh thil vel hi an man ve thei em? Entirnan, NGO lampang ten an man sak ho hi sorkarah hian an chhung lut leh nge? Ka va han hre duh ve aw..hriatzau ve mai mai nan.
Dan ngaisang em emtu
7640886382
Nakkum calendar tur hi an peihfel leh tawh em aw? Kumina mi-ah hian hei nula ho tui chungah te, tlang chungah leh boruakah te an din tir thei bawk a, kum tharah chuan kan politicians te hi model-ah rawn hmang ve tawh thung se ka va ti em aw.
Duhawma Patea
8794835992
Tuikuk ho chuan anmahni hruaitu turte an lo dang maw? Lo haw duh lo na na na te chu hruai haw luih tum tawh loh mai tur. Tumahin an nupui tlan an duh lo chung chung hruai haw an tum lo ang hian sorkar pawhin hruai haw hi tum tawh lo mai se, a duh chu anmahni duh thu-in an lo haw mai ang. Tun hi a tawpna tak tak ni teh se.
Aizawl nu
9612907066
Tuikuk laklet chungchang hi ngaimawhin lo khel ve sek \hin mah ila a sawt mawh hle ang. A chhan chu pawisa vaibelchhe engemawzat virvelna a ni a, tute tan emaw chuan source \ha tak a nih hmel sia.
LB-a Pa
8414029478
Engtizia nge Mizoram hi Tuikuk buaia kan buai reng mai le? Tuikuk ho hi an van hlu awm em em ve aw. Mipui tana harsatna min siamtute hi an ninawm tawh khawp mai.
No. thup
7085210279
Cable TV News service regular lo ti chuan Doordarshan en mai tur, mi phunchiar nih reng ai chuan. A dang a awm rih tlat lo.
Luaitea
9436141804
Zonet Fakna chungchanga tuai hi kei ka lo hlimpui phian mai!! A dik tak chuan tlema han nuihna tur te, han hlimpui tur hmuh tur hi avanga Et..et..et. lo ti te han enghelh vak tur awmin ka hre lo. Kan hmuh dan leh ngaihdan hi her rem ve mai ila a fuh zawk phian awm e. Bakah miten \ha an tih man chawia an ruahman lo va sawi chiam mai lai hi chu kuang lo nawr te pawh kan ang thei deuh roh lo maw ka ti mai mai!! Thil reng reng hi ngaihthiam chin neih ve te hi a \ul ve bawk a nia.
Serlui Pachuau
