Falkawna State Referral Hospital-a Blood Bank chu vawiin khan Blood Bank puitling atan hawn a ni.

0
387
views

Hawnna inkhawm Medical Superintendent, Dr. Lalhmuchhuaka kaihhruaiah thusawiin MIMER Director, Prof. L. Fimate chuan kum 1973-ah Aizawl Civil Hospital-ah blood bank hawn a nih hnua State Referral Hospital-a blood bank hawn a ni leh ta chu hmasawnna chhinchhiah tlak niin a sawi a ni. He blood bank hawn tharah hian thisen pe hmasa ber nih duh mi engemawzat an awm avangin \hum vawra thutlukna siam a ni a, Dermatology Deptt.-a Dr. C. Laldinthari’n a pe hmasa ber a, hemi hnu hian Doctor dang leh Staff engemawzatin an pe zui a ni.

He Blood Bank-ah hian ni 35 zel atan thisen unit 600 dah khawl theih a, a rualin mi 4 zelin an pe thei a ni. State Referral Hospital-ah hian kum 2015, August ni 3 khan thisen dah khawlna blood storage siam \ana ni a, nikum August thla khan CDSCO ten a dinhmun an enfiah a, thisen pek theihna blood bank puitling atan pawmin nikum September ni 4 khan phalna an pe a, he phalna hi kum 2023, September thla thleng a nung dawn a ni.