Farooq Abdullah hrem phutna Delhi High Court-in hnawl

0
307
views

Delhi High Court-in National Conference hruaitu, Farooq Abdullah hrem ph<tna a hnawl. Jammu & Kashmir CM hlui, Farooq Abdullah-a lakah hian Pakistan luah Kashmir chungchanga a thusawi avangin PIL thehluh a ni a, Acting Chief Justice, Gita Mittal leh Justice C. Hari Shankar chuan hemi chungchang hi sorkara thlen turin a thehl<ttu, Maulana Ansar Raza chu a hrilh a ni. PIL thehl<ttu hian Srinagar MP hi Pakistan lam\ang, India ep-ah puhin mana hrem nghal turin High Court chu a ngen a, mahse court chuan sawi tur a neih loh thu sawiin, sorkar laipuiin \ha a tih anga a ngaihtuah tur chi niin a sawi. Maulana Ansar Raza chuan, Abdullah-a thusawi hi India leh a mipuite tana thil zahthlak, ram tana thil pawi tak niin a sawi a, tun thla ni 11 khan Farooq Abdullah hian Pakistan luah Kashmir chu Pakistan ram nia sawiin, ram pahnih hi vawi engzat pawh indo se, hei hi chu a danglam ve ngai dawn lo niin a sawi. He thu a sawi avang hian PIL thehl<ttu hian Dr Abdullah hi ram phatsan-ah puhin, a thil tih dan hi National Investigation Agency leh Intelligence Bureau pawhin an chhui zui ngei tur niin a sawi a ni.