February atangin ram pumah E-Waybill hmang tan dawn

0
707
views

Chhiah lak dan thar, Goods and Services Tax hnuaiah thla thar, February ni 1 a\angin ram pumah E-Waybill hman \an a ni dawn. State Tax Commissionerate a\anga thu dawn danin, E-Waybill hi tun hmaa chhiah lakna dan, Value Added Tax-ah khan hman \hin a ni a, sorkar laipui ruahman anga nikum July ni 1 a\anga GST hman a nih hnuah he dan hi hman chhunzawm a nih loh avangin state pawn a\anga bungraw lak luh chu dan ang tak tih a nih leh loh hriat a harsat bakah GST hnuaia dan ang taka sumdawngte tan harsatna a thlen nia ngaih a nih avangin tun hnaia GST Council Meeting chuan E-Waybill hi ram pumah February ni 1 a\angin hman \an leh ni se a ti a ni. State Tax Commissionerate-a Assistant Commissioner, GST Nodal Officer ni bawk, Pu Hrangthanmawia chuan, E-Waybill hi chi 2 a \hen a nih thu leh tuna an buaipui mek chu state kal tlanga indawrna, Inter State E-Waybill a nih thu a sawi a, state pawn a\anga bungrua cheng sing 5 man aia tam la lutte chuan E-Waybill hi an neih vek a ngai tawh dawn tih sawiin, hei hi tun thla ni 16 a\ang khan en chhinna ang deuha hman \an a ni a, tunah pawh hian sumdawng, a duh apiang tan hman theih reng a nih thu a sawi.

Pu Hrangthanmawia chuan, state chhunga sumdawnna, Intra State-ah pawh E-Waybill hi hman dan tur ruahman mek a nih thu a sawi a. Sorkar laipui chuan he dan hi state Sorkar thuneihnaah a dah angin, Mizoramah pawh he dan hi hman a nih theih dan tur hi ruahman mek a ni a, a hman hun tur leh a hman dan tur chu sawi lawk theih la ni lo va, eng bungruaah nge chhiah lak tur tih pawh ruahman ni tawh mah se, thutlukna fel erawh chu siam fel a la ni lo niin a sawi. E-Waybill hi Sorkar department, sumdawng, Contractor, Supplier leh mimal tupawh, state pawn a\anga bungrua cheng sing 5 man chin la lut turte tan neih vek a ngai tawh dawn a, hei hi state hrang hrangah a hman theih dawn avangin state pakhat aia tam paltlang tur tan E-Waybill pakhat bak siam a ngai lova. State pawn a\anga bungraw lak luh, cheng sing 5 hu tling lote chu a tlin lohna tilang thei tur Invoice fel tak neih a ngai thung dawn a, he dan hi khauh taka ken kawh a ni dawn tih State Tax Commissionerate hotute chuan an sawi ni. E-Waybill hi Taxation Office-ah kal kher ngai lovin Online hmanga siam theih a ni a, a duh tan www.ewaybill.nic.in-ah tih theih reng a ni.