Vairengte-a endikna hmun, screening point paltlangte zingah Quarantine Facilities ah mi 1,164 leh Home Quarantine tura tih mi 799 an awm tawh a. Police te chuan Vairengte Check gate kal tlang tum Drugs Addict an mante chu Golgotha Camping Centre ah an dah zel a, mi 77 an dah lut tawh a. Hmeichhiate chu Hope Centre-ah an dah zel thung. Sorkar hmalaknain Medical screening site dang siam leh tum a ni a, building pakhatah team 3 awm theihna tur an buatsaih leh dawn tih a hmuna tlawhtu Zonet Corr chuan a sawi.
