Federation of Mizoram Govt. Employees & Workers-in sorkar laipui Pay Commission 7-na rawt anga hlawh thar lak phut nan Mass Casual Leave lak tum

0
694
views

Mizoram sorkar hnathawk inzawm khawm pawl, Federation of Mizoram Govt. Employees & Workers-in sorkar laipui Pay Commission 7-na rawt anga hlawh thar lak ph<t nan December ni 6,7 leh ni 8-ah te a huhova chawlh, Mass casual leave lak an tum. Hemi chungchang hi nimina an pawl Executive Committee, Babutlanga Federation Office-a \hu khawmin a ngaihtuah a, ni thum chhung, mass casual leave an lak hnuah pawh sorkar lam a\anga chhanna, an lungawina khawp an hmu loh chuan December ni 15-ah General Council Meeting neih leh a ni ang a, chu chuan an kal zel dan tur a rel dawn a ni. Nimina an \hut khawmna hi an pawl President, Pu Ramhmangaiha Ralte-in a kaihruai a ni. Zawhna chhangin FMGE&W hotute chuan sorkar laipui Pay Commission 7-na rawtna anga hlawh lak ve an phut chungchang hi Cabinet Meeting-in \um hnih a ngaihtuah tawh a, a hmasa zawkah chuan zir chian ni se tih a ni a, hemi hnu hian Finance Deptt. chuan zir chiangin sum dinhmun a enfiahna te chu Law Deptt. pawhin a enpui tawh niin an sawi a, hemi hnua Cabinet Meeting neih lehin a pawmpui mai an beisei laiin a zir chiangtu tur Pay Committee, Pu H. Liansailova kaihhruai a din leh ta chu an ngai thiam lo niin an sawi a, hemi avang hian an phut angin kumin December thla chhungin hlawh thar hi an la thei lo ang tih an hlauh thu an sawi a ni.