Federation of Mizoram Samagra Employee ten sorkara an thil phut nawra a huhova ni 4 chawlh an lak tawh chu vawiin khan an ti tawp.

0
387
views

Edudation Department hotute nen an inbiak chawhnu dar 2 khan an chawlh lak hi an ti tawp a. FEMSE hruaitute hnen a\anga ZONET thu dawn danin inbiakna hi Education Joint Secretary Pu K Sang\huama hovin a pisaah neih a ni a, an inremna ang chuan, FEMSE thil phut chu mumal zawka hmalak a nih theih nan a zirchiangtu tur study group December thla chhunga din a ni ang a, hetah hian FEMSE aiawhte pawh an tel ve ang.

FEMSE hian Education Minister leh Ministry aiawhte an biak theih dan tur kawng zawn a ni ang a, chawlh an lak chhunga an hlawh paih sak tura thupek tih chhuah leh insawifiah tura hriattirna lo pek tawhte pawh hnuhlet anih theih nan MZP leh MSU ten hmalakpui an remti a ni. Inbiakna an neih zawh a thuchhuah an siamah FEMSE chuan, sorkara an thil phut a hlawhtlin theihna tura chawlh an lak chu ti tawp rih mahse an hmalakna tawpna a nih loh thu leh a bul \an na chauh a nih thu an sawi a, an duhna te a puitlin theihna tura study group din chu \ha an tih thu an sawi a, hetihrual hian an hmalaknain duhthu a sam loh chuan an thil phut a hlawhtlin theih nan hma an lak chhunzawm zel dawn tih an sawi.

Sorkar chuan FEMSE member te hi an hna an zawm loh chuan an aiawh tur lakah a vau a ni.