Finance Minister-in sorkar kum thara budget ruahman dan tlangpui, thuthar thehdarhtute hrilhfiah

0
381
views

Vawiin Session zawh hnua Assembly House Common Recess Room-a thuthar thehdarhtute kawmin Finance Minister, Pu Lalsawta’n sorkar kum thara budget ruahman dan tlangpui a hrilhfiah. Finance Minister chuan Kum 2016, June ni 30 a\anga vawiin thlengin Mizoram sorkar chuan sum harsatna avangin Ways & Means Advance emaw, Special Ways & Means Advance emaw a la lova, overdraft pawh a awm lo bawk niin a sawi. Zawhna dang chhangin Pu Lalsawta chuan tun \uma he budget ruahmanah hian Central Pay Commission 7-na anga Mizoram sorkar hnathawkte hlawh pekna tur ruahmanna siam a la awm rih lo tih a sawi a, dah a la nih loh nachhan chu sorkarin pek tum mahsela a pek hun turah thutlukna mumal tak a la siam rih loh vang a ni a ti. Zawhna dang chhangin Finance Minister chuan budget pumpui a\anga sorkar hnathawkte hlawh atana sum hman tur chu za zela 34.59 niin a sawi a, sorkar hnathawkte pension atana sum sen tur pawh za zela 9.30 leh medical treatment atana sum sen tur chu budget pumpui a\anga za zela 1.7 a ni a ti a, hmasawnna hna lian tham, major works atana sum hman tur pawh budget pumpui a\anga chhuta za zela 20.103 niin a sawi bawk.