Finance Minister, Pu Lalsawta’n vawiin khan New Secretariat Conference Hall-ah in sakna atana mau hman \angkai dan inzirtirna, National Workshop on Utilization of Bamboo as Building Material-in NE Region tih a hawng.

0
555
views

 

He workshop hi hmarchhak biala chengte tan in sakna hmanrua atana mau hman \angkai theihna tura inrawnkhawmna a ni. Thusawiin Pu Lalsawta chuan Mizoramin mau hlawk taka hman tham a nei a, amaherawhchu, sum hnar \ha tak atana mau hman tumna chu tun thlengin a nih tur angin a la hlawhtling lova, tuna rampum huapa mithiamte inhmukhawm hian Mizoram chhawr \angkai theih tur thiamna leh hriatna an hmuhchhuah theih a beisei tih a sawi a ni.

He workshop hi Central Building Research Institute, Roorke huaihawt a ni a, sum senso hi Ministry of DoNER, North Eastern Council leh Science & Technology Intervention in North East Region te \anghoten an tum a ni. He workshop-ah hian Ministry of DONER Jt. Secretary, Pu SN Pradhan, CBRI Director, Dr. N. Gopalakrishnan leh Ministry of DONER Director, Pi Mercy Epao ten thu an sawi bawk a ni. Mithiamte sawi danin India ram chhungah hian mau leh rua hi chi hrang hrang 125 vel a awm a, hmarchhak bialah hian mau chi hrang hrang 50 vel a awm bawk a, Mizoram bikah chuan mau chi hrang hrang 25 vel a awm bawk a ni. He workshop hi Addl. PCCF Dr.K. Kire-an a kaihruai a, hetah hian PWD Engineer te, Environment, Forest & Climate Change Deptt. officer te, Mizoram Architect Pawl hruaitu, sumdawng, Mizoram University mithiam te bakah ram chhung hmun hrang hrang a\anga lo kal mithiamte an tel a ni.