‘Fire and Fury: Inside the Trump White House’ lehkhabu tlangzarh

America ramah lehkhabu thar, ‘Fire and Fury: Inside the Trump White House’ tih chu tlangzarh a ni a, he lehkhabu hi vawiina zawrh chhuah tura tih ni mah se, President Donald Trump-a ukil-ten zawrh chhuah a nih loh nana court-a an thlen hlauhthawnna a awm avangin, a chhuahtute chuan an tum aia hmaah an chhuah ta a ni. He lehkhabu-ah hian Donald Trump-a’n thuneihna a chan hnua a thil tih dan leh thil awm dan tarlan nia sawi a ni a, niminah khan he lehkhabu-a thil inziak \hen chu tlangzarh a ni a, White House pawh a tibuai hle a, Trump-a hi US President hna chelh tur hian, a rilru puthmang hrim hrimah pawh a tling em tih chungchang te pawh ziah a ni. A ziaktu hi Michael Wolff a ni a, Trump-a chuan, Wolff-a hian White House-a len chilh a dil fo na a, vawi khat mah a phalsak lo niin a sawi a, a lehkhabu pawh hi thu dik lo ziah khawmna niin a sawi.