Florida-a inpawng kahnaa dam chhuakten silai khuahkhirna dan khauh zawk siam turin dan siamtute dawr tum

0
369
views

Florida School-a inpawng kahna rapthlak tak a thlen hnuah, he inkahna-a dam khaw chhuakte chuan silai khuahkhirhna dan khauh zawk siam tura dan siamtute dawr turin Florida khawpui an thleng. Tallahassee ah hian State Legislature thukhawm chuan tun tuma pawikhawihtuin a hman Assault Rifle ang chi hman khap tura ngenna chu a hnawl ve chiah bawk a, zirlai 100 rual zet hian an state rorelna in sang-in silai khapna dan a hnawl hma darkar 1 velah Talahassee khawpui hi an thleng a ni. Zirlaite hian State rorelna in bulah kawng an zawh ang a, dan siamtu Legislator te pawh kawm kual an tum a ni. Tun tum hi thalaite kaihhruaina hnuaia silai khuahkhirhna dan khauh zawk nawrna hmasa ber a ni a. Nawrna nasa tak avang hian US President Donald Trump chuan hun rei lo te chhunga mi tam tak tih hlum theihna hmanrua ang chi chu khap a duh thu Thawhlehni khan a sawi chhuak a ni.