Florida International University bula lei chimah mi 4 thi

0
498
views

Miami-a Florida International University bula ke-a kalna lei pakhat a chim avangin mi 4 an thi a, midang 10 an hliam. Chhanchhuah hna thawktute chuan a zana zanin lei chim karah mihring tangkhangte chhanchhuah hna an thawk nghal a ni. Feet 174-a se, Tone 862-a rit, lei hi Ningani chawhnu khan a hnuai motor kawngpuiah a chim thla a, lirthei 8 a delh chhe bawk. He lei hi Inrinni kalta khan dawh a ni a, darkar 6 chhung leka dawh zawh a ni nghe nghe a, lirthei tlan vel ti buai nasa lo turin dawh dan rang zawk, Accelerated Bridge Construction’ an tih hmanga dawh a ni a, lei ruhrel tam zawk chu a bul kawngpui sirah remkhawm hmasa in hemi hnu hian a dawhna tur laiah tun a ni.