FMGE&W ten Pay Commission 7-na rawt anga hlawh thar lak phut nan ni thum a huhoin chawlh la dawn

0
620
views

Mizoram sorkar hnathawk inzawm khawm pawl, Federation of Mizoram Govt. Employees & Workers-in sorkar laipui Pay Commission 7-na rawt anga hlawh thar lak ph<t nan naktuk a\anga Zirtawpni thleng, a huhovin chawlh an la dawn. An pawl hotute hnen a\anga Zonet thu dawn danin, sorkar hnathawkten naktuk a\anga chawlh lak an tum chungchang hi nimin khan Finance Minister, Pu Lals^wta, UD&PA Minister, Pu Zodintluanga leh tun hnaia an thil phut chungchang zir chiang tura sorkar-in a din, Pay Committee Chairman, Pu H. Liansailova’n FMGE&W hruaitute an sawipui a. Naktuk a\anga ni 3 chhung, a huhova chawlh lak an tum chu \hulh tura ngenin, a zir chiangtu tur Pay Committee pawh din a nih tawh thu an hrilh a. An inkawmnaah hian FMGE&W hruaitute chuan Pay Committee-in a zir chianna leh a tihhlawhtlina atan hun tiam bituk turin an ngen a, hei hi sorkar hotute chuan an tihhlawhtlin theih loh avangin an inbiakna hian awmzia a nei thei lova. FMGE&W hruaitute hi vawiin chawhma dar 11 khan Chief Secretary, Pu Lalmalsawma’n kawmin, sorkar hnathawk zawng zawngin a ruala chawlh an lak chuan mipuiten an tuar nasat dawn avangin an thil tum chu \hulh turin a ngen ve leh a. An ngenna hi an pawl Executive Committee-in a ngaihtuah hnuah an thil phut chungchangah sorkar hotute hnen a\anga thu lawmawm an la dawn loh avangin a thil rel tawh chu kal tlangpui ni se an ti ta a ni.

Zawhna chhangin FMGE&W hruaitute chuan, sorkar hnathawk zawng zawngin a huhova chawlh an lak chuan mipui tana harsatna a thlen theih dawn avangin ni tin mamawh zualpui – tui, eng, damdawi lam leh dan leh thupek keng kawhtute chu an Duty chhunzawm dawn niin an sawi a, sorkar damdawi ina inentirna erawh chu khar vek a ni dawn a, thil hmanhmawhthlak zual tih loh chu an khawih rih dawn lo niin an sawi. Sorkar hnathawh hlawh hi kum 10 danah ennawn \hin tura tih a ni a, kum 2014 vel a\ang daih tawh khan sorkar hotute an lo dawr tawh \hin a, sorkar laipui Pay Commission 7-na rawtna anga hlawh lak ve an phut chungchang hi Cabinet Meeting-in \um hnih a ngaihtuah tawh a, heti chung hian hlawh thar hi hman a la ni ve ta lo a, December ni 15 hian FMGE&W General Council Meeting neiin, an kal zel dan tur an rel leh dawn a ni.