ZPM Group Leader, Pu Lalduhoma’n Mizorama bukna leh tehna dik lo hmang an awm \hin nia sawi Sorkar-in a hriat leh hriat loh a zawhna a chhannaah Pu K. Lalrinliana chuan, bukna leh tehna chi hrang hrang chu Legal Metrology-in hunbi neiin an endik \hin tih a sawi a. Chung bukna leh tehna endik sate chu a hmangtu sumdawngten an hmang dik lo fo \hin tih sorkar-in a hria tih sawiin, Mizo mipuite chu Kristian an nihna ang zawnah pawh dik leh fel taka thil ti \hin tura a duh thu a sawi. Pu K. Lalrinliana chuan, Zuangtui Supply Kudam-a Weighbridge awm chu mimal enkawl tir a ni tih sawiin, hei hi \angkai taka hman niin a chhe ngai mang lova, hetihrual hian hmun danga Weighbridge awmte chu hman theihin a \ha ngai mang lo thung niin a sawi a. Tunah hian Department chuan dik taka thil kalpui a nih theih nan Weighbridge thar siam a, mimal enkawl tir turin ngaihtuahna an seng mek tih a sawi.
Zawhna dang a chhannaah Supply Minister chuan, tun hnaia Social Media-a Artui lem leh sangha leh thlai \awih thei lo tura damdawi hmanga sawngbawl thlalak thehdarh chungchang chu Department chuan tunhnai maiah chuan a enfiah lo tih a sawi a. Hemi endik tur hian Supply Department chuan khawl leh hmanraw mamawh dangte a nei loh avangin engtianga kalpui tur nge a hriat mai loh thu a sawi.
