Spain, Madrid khawpui-a thubuai ngaihtuahna court tualah chuan chanchinbumi tam tak an pungkhawm a, mipuiin an bawr lutuk lohna tura amah kher inlan lova video hmanga court-a inlan emaw, court building chhunga car-a inkhalh luh emaw a dilna chu court hian a phalsak lo a, tuna court thutlukna hian thla 23 Jail tan theihna a la keng tel bawk a. dan tlangpuiin Spain ah hian kum hnih hnuailam jail tan theihna thubuaia thiam loh changte chu jailah tan tir kher a ni ngai lo a, Ronaldo-a thil tih sual pawh hi tharum thawhna lam anih loh avangin Jail ah a tan erawh a rinawm loh a, probation angin, jail pawn lamah a tan hun chhung tur hi hman ral tir mai anih rin a ni.
Tuna Juventus-a khel mek Ronaldo hi court-a a inlan lai hian hlim hmel tak a pu a, a nupui hual Georgiana Rodriguez-i’n a \awiawm a ni.
