Rooney chuan coronavirus leng vanga footballer te an cheibawl dan chu footballer te, thawktu dangte leh an chhungte tan lungchhiatthlak a tih thu a sawi a, infiamna dang, tennis, Formula 1, rugby, golf leh ram danga football an khelh \hin te chu chawlh tir vek a ni a, anni erawh chu inkhel chhunzawm turin an ti a, he thilah hian sum a inrawlh tih chu thil rinhlelhawm tak a ni a ti a, Arsenal Manager, Mikel Arteta chuan hotute thu a awih vangin hri leng mek chu a kai nia sawiin, emergency meeting a awm hnuah chauh thutlukna dik an siam a, khami hma zawng khan footballer te chu guinea pig ang maia cheibawlin an awm tih a sawi bawk.
Rooney chuan boruak a him tawh loh chinah inkhelhna tur a neih vangin Covid-19 chu vei thei dinhmunah a ding tih sawiin, amah chuan lo kai ta se a chhungte chuan amah a\angin an kai thei a, chumi vang chuan an inkhelh lehna zel turah pawh a khel dawn em tih a inngaihtuah buai hle tih a sawi.
