France President Emmanuel Macron, ni li cham turin India lo zin

0
2715
views

France President, Emmanuel Macron chuan ni li cham turin nizan khan Delhi \umhmun a lo thleng a, a nupui bakah an ram sorkar mi pawimawh leh sumdawng lian-ten an rawn \awiawm a ni. Pu Macron hi vawiin khan President chenna, Rashtrapati Bhavan-ah a lawmna inkhawm buatsaih a ni a, Mahatma Gandhi hriatrenga lungphun, Raj Ghat-ah par \hi a dah bawk a, Foreign Minister, Sushma Swaraj leh PM Narendra Modi te nen an inkawm zui bawk a ni. Pu Modi leh Pu Macron-te hian naktuka International Solar Alliance pawl din \anna inkhawmah hun an hmang dun dawn a, he pawl hi Pu Modi-a kaihhruaia din a ni a, ni zung chakna hmanga kawlphetha siam chhuah uar zawk tura hma la tura din a ni. Ram pahnih hruaitu lu te hian ram pahnih thawhdunna tur thil tam tak an sawi dun rin a ni a, heng zingah hian nuclear hmanga kawlphetha siam chhuah te, ni zung hman \angkai-te leh rel kawng tihhmasawn dan-te a tel ngei beisei a ni bawk a ni.