France ram Strasbourg khawpuia krismas bazar lunlaiah mi pakhatin silai a hmetpuak chiam a, mi 2 an thih bakah mi 14 an hliam.

0
323
views

Hliam zinga 9 te chu an dinhmun a \ha lo hle a, silai hmetpuaktu hi kum 29 mi, Jail a tan lai pawha rilru sukthlek danglam tak nei mi a ni tih Police te chuan an sawi a, mipui pungkhawm a pawng kah chiam hnuah hian police te pawhin amah hi an kaphliam ve a, hliam tuar chungin a relhru hman a ni. Police te chuan man tumin beihpui an thlak mek a, Police officer 350 chuang an thawk chhuak tih Deputy interior minister chuan a sawi a, France ram tlan chhuasanin ram dangah a lut tawh mai thei a ni a ti bawk.

Interior Minister Christophe Castaner chuan police te chu inring renga awm tura hriattir an ni tih a sawi a, krismas vuakvetah mipuite an him theihna turin ramri pawh uluk leh zuala ven nghal a ni a ti.