France ramah tuilian avanga tangkhang mi 1,600 chuang chhanchhuah an ni tawh a, heng mi te zinga a tam ber chu ramhnuaia camping-a awm mek te an ni tih thuneituten an sawi.

0
470
views

 

Nipui chawlh hmanga camp-a awm mek mi tam tak, tuilian avanga harsatna tawk mekte chhanchhuah tuma beitu mipa pakhat kum 70 mi chu chin hriat lovin a bo a, tuilian in harsatna a thlen nasat zualna hmun te hi Gard, Ardeche leh Drome hmun te a ni a, chhanchhuah hna thawktu firefighter 400 rual leh police te bakah helicopter pali ten chhanchhuah hna hi an thawk a ni. Hetihlai hian France ram chhim lam leh Europe ram tam takah chuan khaw lum avangin mipuiten harsatna an tawk ve thung.

French interior ministry thupuangtu chuan tuilian avanga harsatna tawkte \anpui tur hian department paruk ten beihpui an thlak mek tih a sawi a, hmar thlang lam leh hmar chhak lamah te chenna in 17,000 vel chuan power supply an dawng thei lo a ni. Nipui camp neihna hmun pakhat Saint-Julien-de-Peyrolas a awm mek, naupang 119 te chu hmun him lamah sawn chhuah an ni tawh a ni.