GAC hmun thar tur-ah College zirlaite leh zirtirtute hnatlang

0
647
views

Govt Aizawl College hmun thar tur, Aizawl Salem Venga mi-ah ram nei nia insawi an awm avangin College zirlaite leh zirtirtute an hmun thar tur humhalhin vawiin khan an hnatlang.

Hnatlang kaihruaitu Aizawl College Principal Pu Lalrinmawia chuan an College hmun thar tur Salem veng a mi hi, kum 2012 April ni 23 khan Chief Minister Pu Lal Thanhawla leh khatih laia Revenue Minister Pu JH Rothuama te’n an pek anih thu sawiin, LSC pawh dan ang thlapin an nei niin a sawi a, building thenkhat commerce dept building bakah Cafetaria leh Girls Hostel te an sa tawh tih a sawi. Zonet thudawn danin tuna Aizawl College in building an sak tawhna chhak zawl-a building dang sak leh an tumna hmunah tunhnai khan Pu Lalsangbera Thakthing Veng chuan LSC panga siamin, a hungna tur ban tam tak a phun a. Vawiina Govt Aizawl College zirlai leh zirtirtu hnatlang te hian heng pal ban phun thar te hi an phawiin an hal ral nghal a, a hmun an samfai bawk.

ZONET thudawn dan chuan helai ram hi tunhmain Zirtiri Residential Science College ram tur atana laihzawl a lo ni tawh a. Zirtiri Residential Science College hian hmun dangah ram tha zawk an hmuh avangin an chhuasan leh a. He ram hi Govt Aizawl College New Campus atan sorkar in a pe leh ta a ni.