Gauhati High Court, Aizawl Bench-a Portfolio Judge, Justice Michael Zothankhuma’n nimin khan Mamit Bethel vengah Judicial Service Officer-te Quarters sakna tur lung a phum.

0
552
views

Quarters sak turte hi Judicial Service Grade I, Grade II leh Grade III te Quarters tur a ni. Lungphum hnua State Institute for Rural Development Auditorium-a inkhawmah thu sawiin Justice Michael Zothankhuma chuan tun hmalama Executive leh Judiciary awm dun \hin chu rorelna kalphung pangngai neihna turin kum 2008 khan Judiciary chu Executive a\angin a hranga thuneihna neia dah a ni ta tih a sawi a, hetih lai huna Judicial Officer awm mi 23-te chu Mizoram Judicial Service-ah lakluh an ni a, tunah hian MJS Officer hna thawk lai mi 46 an awm mek a ni a ti. Justice Michael Zothankhuma chuan Mamit DC Office building chu Court atan hun engemawchen hman a nih hnuin kum 2012 June ni 9, a\angin tuna Court Building hi luah \an a ni a. Judicial Officer-te erawhin Quarters an neih loh avangin mimal in luahin an awm a, tuna an Quarters sak a ni dawn ta chu thil lawmawm a ni a ti. Justice Michael Zothankhuma chuan Judicial Service mite Quarters, Champhai, Serchhip, Siaha leh Mamita sakna tur sum kumin a hmuh chu Rs. 22,22,21,000/-a tling tih a tarlanga, Mizoram High Court Building pawh Rs 46,24,12,000/- senga sak mek a ni tih sawiin Aizawl District Court building pawh Rs 24, 29,00,000/- senga sak mek a ni tih a tarlang bawk a ni. He inkhawm hi Additional DC Pu Jacob Lalawmpuia’n a kaihruai a ni.