Gauhati High Court Division Bench chuan Mizoram sorkar chu NLUP hnuaia tanpuina dawngtu tur thlan kawngah lang tlanga thil ti tur leh Constitution Article 14 anga hma a lak hma chuan NLUP tanpuina pe chhuak tawh lo turin a ti.

0
541
views

He Interim order hi Gauhati High Court Aizawl Bench-a Pi Vanramchhuangi’n PIL a thehluh ngaihtuaha Gauhati High Court Division Bench-a Judge pahnih, Pu Justice Suman Shyam leh Pu Justice AM Bujor Barua ten vawiina an chhuah a ni a, he thu ngaihtuahnaah hian Pi Vanramchhuangi aiawhin Senior Advocate Pu C. Lalramzauva, Pi TJ Lalnuntluanga leh Advocate dang panga an ding a, sorkar aiawhin Govt. Advocate Pu Samuel Vanlalhriata a ding a ni. He PIL-ah hian sorkarin NLUP hnuaia \anpuina a siamah a dawng awm tak tak ten an dawng lo nia an hriat thu te, Mizorama MLA parukte chu he \anpuina scheme-ah hian thuneihna nei lova siam an nih thu leh MLA ni lote pawh \anpuina dawngtu tur thlangtua hman nia an hriat thu te an sawi a ni. He thu ngaihtuahtu High Court Division Bench chuan he thu hi chawlhkar li hnua ngaihtuah leh turin a dah ta a ni. He thu hi vawiin chawhnu khan MNF Party General Secretary, Pubilicity changtu, Pu MC Lalrinthanga chuan thuthar thehdarhtute a hrilh a, Court thutlukna siam chu a hrilhfiah bawk a, Congress sorkarin NLUP \anpuina dawngtu tur thlang tura MLA ni lo a hman nia sawi mi 4 te hming a tarlang a, chungte chu Pi Tlangthanmawii, Minister hlui, Pu S. Hiato, Dr. Lalmalsawma Nghaka leh Minister hlui, Pu H. Liansailova te an ni. High Court Interim Order chhuah copy a sem nghal a ni.