Puan tawh ang khan Thaw\anni khan Gaza Strip a\anga missile khachhuahin Tel Aviv-a in pakhat a fuh a, mi 7 an hliam a, Israel tihchhiat tum Islamist pawl Hamas te hmalakna a nih rin a ni a, Israel chuan chhanglet nghalin Gaza Strip hi missile-in a kap a, Hamas hotu Ismail Haniya pisa leh hmun 12 dang a fuh a, thi leh hliam report dawn a ni lo a, missile-in a kahfuh lai hian Ismail Haniya hi a pisa-a a awm leh awm loh pawh sawilan a ni lo a ni. Gaza-a helpawl, Hamas leh Islamic jihad te’n Israel lamah rocket engemawzat an kah hnuah Hamas te hian palai atan Egypt hmangin inkahhai hi an puang a ni.
US President Donald Trump-a nen inkawm tura US-a cham mek Israel Prime Minister Benjamin Netanyahu chuan Israel hian a laka tharum thawhna a chhanglet mai a ni a ti a, Trump chuan Israel hian a ram venhimna tura hma a lak chu a tih tur ve reng a ni a ti bawk. Israel leh Hamas te hi kum 2008 a\ang khan an lo indo tawh \hin a, Netanyahu hian indo leh pumpelh tumin hma a la nia rin a ni a, Hamas hian inkahhai thutlung hi siam mahse, boruak \ang tak hi a reh mai a rinawm lo a ni.
