Heng mi te hi China-a Shaanxi Mining Company te khawihlai khur bula thawk an ni a, Bolgatanga Regional Hospital-a thawk, Patrick Atobrah sawidan chuan company hnuaia rangkachak khur laitute lung halna khu chuan a bula thawkte hi bawhin, thaw chhamin an thi a ni. He thil thlenna Gbani khua-a hotulu, Ibrahim Seidu chuan heng mi 16 te bakah hian khura thawk midang pawh zawn an la ni tih a sawi a, dama chhanchuah an nih ngei an beisei thu a sawi.
Ghana ram laili leh chhak lam bialah te hian mipui nawlpuite chu an retheih avang leh hna a awm loh vangin dan loa rangkachak laihna hmuna thawk an tam hle a, an ram hi Africa-a rangkachak lai chhuak tam ber dawttu a ni.
