Gitanjali Gems hnathawkte hna dang zawng turin ti

0
658
views

Gitanjali Gems hotupa, Mehul Choksi chuan vawiin khan a company-a hnathawk-te hnenah an hlawh a pek theih tawh loh tur thu hrilhin hna dang zawng turin thurawn a pe. Mehul Choksi chuan Sorkar Agency hrang hrangten a pawisa an hrensak avangin hnathawktute hnenah hian an hlawh a pe chhunzawm zel thei tawh lo niin a sawi a, an pisa enkawl chhunzawm zelna tur pawh a nei dawn lo tih a sawi bawk. Puan tawh angin, Punjab National Bank kaltlanga dik lo taka sum thahnem tak lakluh chungchangah Mehul Choksi leh a vahpa, Nirav Modi-te chu Enforcement Directorate leh CBI-ten an chhui mek a, an bank account zawng zawng khawih chet theih loha dah a nih bakah, an in leh pisa atangin thil thahnem tak an man sak tawh a ni.

He thubuai kal zelah hian vawiin khan ED hnathawkte chuan Nirav Modi-a thil hlu, khawih chet theih loh 21 lai an hren belh leh a, heng zingah hian in hmun, huan leh pisa hmun te pawh a tel tih an sawi a, a vai hian cheng vbc 523.72 vel nia chhut a ni tih a sawi bawk.