GJM hruaitu hlui Bimal Gurung-a’n police te hrenna laka venhimna a dil chu SC-in a hnawl

0
598
views

West Bengal-a thubuai chi hrang hrang nei, Gorkha Janmukti Morcha hruaitu, Bimal Gurung-a’n police-te hrenna laka venhimna a dil chu Supreme Court-in a hnawl. Puan tawh angin, Bimal Gurung hi Supreme Court chuan nikum November thla khan police-te hren emaw, thu zawhfiah emaw a lo khap tawh a, a laka thubuai-te hi state sorkarin mimal a beihna-ah an ngaih tawh loh thu Justice AK Sikri leh Justice Ashok Bhushan-te chuan an sawi a ni. GJM hi Darjeeling leh a chhehvela Gorkhaland din ngiat chungchanga a meizang hlaptu ber kha a ni a, an pawl chhunga inhmuhthiamlohna eng emaw a awm avangin, Bimal Gurung hi suspend a ni a, an hruaitu thar atan Binay Tamang ruat a ni ta a ni. Bimal Gurung lakah hian West Bengal sorkar chuan thubuai 53 a thehlut tawh a, a chungchang thu, thubuai dang 24-ah ngaihtuah a ni mek bawk a ni.