Eptu hruaitu ni \hin Chandrakant Kavlekar chu deputy chief minister ah lakluh a ni dawn a, Jennifer Monserrate leh Filipe Nery Rodrigues te chu minister ah lakluh an ni dawn bawk.
Nimin khan Chief minister Pramod Sawant chuan \angrual sorkara Minister pathum te chu inhnukdawk turin a ti a, \angrualah hian Goa Forward party a\angin deputy chief minister Viojai Sardesai, Vinod Palienkar leh Jayesh Salgaocar te chu minister an ni mek a, Goa Forward Party hotute erawh chuan mahni thua inhnuhdawh an tum loh thu sawiin, Chief Minister in a duh anih chuan a bantir mai tur a ni an ti thung. Chief Minister hian an party-a thuneitu sang zawkte thurawn angin Goa Forward Party a\anga Minister te hi inhnukdawk turin a hriattir tih a sawi.
Ningani khan Congress MLA 10 te chu bangin BJP an zawm a, Congress chuan MLA 5 chauh a nei ta a, member 40 awmna assembly ah hian BJP chuan member 27 a nei phak ta a ni. Kum 2017-a Goa Assembly inthlanpuiah khan party mala sorkar siam thei an awm lo a, Congress chuan seat la tam ber mahse, seat 13 latu BJP chuan \angsual sorkar a din a ni.
