Goa CM Manohar Parrikar-a damdawiinah enkawl chhunzawm zel a la ni a, state sorkar kaihhruai chungchangah thu a than nasat avangin BJP hruaitu Amit Shah a inrawlh.

0
428
views

 

Puan tawh angin Parrikar-a damdawiina a awm chhung hian a ai lo awh lailawk turin Maharashtra Gomatak Party MLA Sudhin Dhavalikar-a hming a ri nasa hman hle a, mahse MLA dangin an duh loh avangin ruat a ni ta lo a, Amit Shah hian BJP thawhpui party tho Goa Forward MLA Vijay Sardesai chu a vawiin khan a bia a ni. Dhavalikar zawk hi Parrikar chuan a damloh tirh khan a ai lo awh lailawk turin a sawm niin mi \henkhat chuan an sawi a, aiawh tura indah ai chuan a aia nghet deuh zawka thutlukna mumal siam BJP leh an thawhpui party-te hian an phut leh ta zawk a ni. Goa Assembly-ah hian party mala chak ber chu Congress a ni a, seat 16 an neih laiin BJP chuan seat 14 an nei ve thung a, party dangte nen inthurualin sorkarna an siam a, tun dinhmunah chuan BJP leh a thurualpui dangte’n thu khat an la vuak theih loh avangin Congress pawh hian sorkarna siam tumin \an an la ve mek bawk a ni.