Goa Congress MLA pahnih, Dayanand Sopte leh Subhash Shirodkar te’n vawiin khan Delhi-ah BJP President Amit Shah an hmu a, an party chhuahsanin BJP an zawm thu an puang nghal.

0
438
views

 

Shirodkar chuan Congress MLA dang pahnih emaw pathum vel an hnung zui duh an awm thu leh BJP an zawm ve thuai an rin thu an sawi bawk a ni. Sopte leh Shirodkar te’n BJP an zawm dawn tih thu hi a thang nasa hle a, inhnialna te pawh a chhuak bawk a, thawh\an zan khan Congress hruaitu, Chellakumar chuan an pahnih hian a biak thu leh Congress chhuahsan an tum lo tih an hrilh niin a lo sawi tawh a, anni pahnih thlemtu hi Goa Health Minister Vishwajit Rane a nih thu leh BJP hruaitute hnenah Congress MLA pahnih anmahni zawm tura a hmin theih chuan state CM Manohar Parrikar-a hmun luah a dil niin a sawi bawk a ni. Puan tawh angin Parrikar hi a hrisel loh avangin AIIMS damdawiinah enkawl mek a ni a, a damloh avang hian Goa sorkar \hiah mai tur anga sawi te pawh an awm hman a, Congress lam pawh hian President Ram Nath Kovind-a hnenah sorkar-na siam tura sawm turin larsap hriattir tur te pawhin an dil a ni.