Gorkhaland state thar siam theih a ni lo- Darjeeling MP

0
471
views

Darjeeling bialtu MP, SS Ahluwalia chuan Gorkhaland state thar siam theih a nih loh thu a sawi a, hei hi a hmaa a sawi thin dan letling a nih avangin ngaihven a hlawh hle a ni. SS Ahluwalia hian he thu hi Tripura a tlawhnaah a sawi a, Tripura-ah hian ram leilung fa, Tripuri hnamin state thar, Tipraland siam an phut ve mek avangin he thu hi a sawi nia hriat a ni a, Tripura hi state te tak te a nih avangin state hran siam beisei theih a nih loh thu a sawi rualin, West Bengal sat thlaa Darjeeling state hran siam pawh a beiseiawm loh niin a sawi a ni. He MP thusawi hi mi tam tak chuan Gorkha miten amah leh BJP an rinna phatsanna niin an sawi a, BJP hian Gorkhaland state hran siam phutna chu thlawp a intiam avangin GJM pawhin BJP hi an thlawp a, Darjeeling bialah hian vawi hnih an tlin phah tawh nia ngaih a ni. Puan tawh angin, GJM hian June ni 12 atang khan state thar siam phutin lungawi lohna an lantir tawh a, khawsak phung a khaihlak nasa hle tawh a ni.