Govt. Aizawl West College Literature Club leh Farkawn Higher Secondary School zirlaite chuan vawiin khan Farkawnah ‘Thalaite leh Social Media’ tih Seminar an nei. He Seminar-ah hian Govt. Aizawl West College-a Lecturer Pu Lalchhanhima Tlau chuan thalaite leh social media tih thupui a sawi a, thiamna leh finna sang zelah nasa takin social media hman chhoh zel nimahse, a tha leh tha lo thliar hranga, a tangkai tur zawnga hman thiam a pawimawh niin a sawi a ni. He Seminar hi Aizawl West College Literature Club President, Jerry Zaihmingthanga’n a kaihruai a ni. Govt. Aizawl West College Literature Club member te hian Farkawn chhehvela pi leh pute sulhnu hmun hlui an tlawh bawk a ni.
