Govt. Hrangbana College NSS Unit-in vawiin khan Aizawl Civil Hospital-a damlote tan thisen Unit 188 an pe. A petute chu mipa 116 leh hmeichhia 72 an ni a, Civil Hospital Blood Bank-a thawkten an College Golden Hall-ah thisen hi an laksak a ni.

Academic Session kal mekah tun hi Govt. Hrangbana College NSS Unit-in \um 3 thisen an pekna a ni a, nikum lamah khan \um 2 Blood Donation Camp hi buatsaih tawh niin, thisen Unit 470 an lo pe tawh a ni. Vawiina Govt. Hrangbana College NSS Unit-in thisen pek runpui an neih hi Association for Voluntary Blood Donation hruaituten an hmanpui a, an pawl General Secretary, Pu Lalrinkima chuan, a mamawhtute tana thisen pe duh \halai an awm zel chu lawmawm a tih thu a sawi a. Govt. Hrangbana College Principal, AVBDA Adivser ni bawk, Pu Lalhmingthanga pawhin \hangtharten midangte tana inpek duhna thinlung an nei zel chu lawmawm a tih thu a sawi ve bawk.