Govt.J.Thankima College-a Managment Department-in Zirlaite kawng kawnghmuhna atana Management – Tech Meet an buatsaih kharna inkhawm vawiina neih chu Agriculture Minister, Pu C. Lalrinsanga’n a hmanpui.

0
207
views

Minister chuan, zirlaite chuan an zirlai an zawh hnuah sorkar hna an tinzawn vek a hlauh thu sawiin, mi zawng zawng tan sorkar hnain a daih vek dawn lova, sorkar laipui a\anga State sorkar-in sum a dawn chu sorkar thuneituten an hman thiam loh phei chuan Mizoram chu sawp rup theih a nih avangin \halaite chu mahni kut kawih hmanga intun nun tum turin a chah a ni. Pu C. Lalrinsanga chuan, Mizote ziaa thil \ha deuh chu midang ngaihsan bik lohna a ni tih sawiin, hei hi a \ha zawng hman a nih chuan hlawhtlin bul\anna kawng \angkai tak a ni thei a. A ni lo zawnga hman erawh chuan chapo thlawnna a nih theih ve bawk avangin he rilru paukhauh tak hi hman thiam a \ul a ni, a ti. Agriculture Minister chuan, Mizoramah \halaite tan hnathawh tur tam tak a awm tih sawiin, a ngaihna hre deuh tan phei chuan mahni kutkawih hmanga ding tura bul\anna tur tam tak a awm a, chu mi haichhuak tura rilru ngaihtuahna sen thiam erawh a \ul hle tih a sawi a ni.

He inkhawm hi Govt.J.Thankima College-a Managment Department Head, Management – Tech Meet Convener nibawk, Dr. JV Nunchunga’n a kaihruai a, hetah hian Mizo \halai zinga sumdawnna leh Entrepreneurs lama mihlawhtling ten an bul\an dan leh hlawhtlinna hmu tura an thawhrim dan hrang hrang zirlaite chu an hrilh a ni. Management – Tech Meet hi nimin khan School Education Minister, Pu Lalchhandama Ralte-in a lo hawng tawh a. Hetah hian Aizawla sumdawng hlawhtling mi 14-in dawr an hawng a, Assam Riffle-in an hmanraw neihte an pho chhuak bawk a ni.